މިކަން މިއަދު ހާމަކުރެއްވީ ތިމާވެށީގެ ކަންކަމާ ހަވާލުވެ ހުންނެވި މިނިސްޓަރު ތޯރިގް އިބްރާހިމެވެ. އޭނާ ވިދާޅުވީ މިހާރު ރާއްޖޭގައި ބ. އަތޮޅާއި، އައްޑޫ އަދި ފުވައްމުލަކުގައި ބަޔޮސްފިއާ ރިޒާވް ގާއިމުކުރެވިފައިވާ ކަމަށެވެ. އަދި މި ތިން ސަރަހައްދުގެ އިތުރުން ޅ. އަތޮޅު ވެސް ބަޔޮސްފިއާ ރިޒާވަކަށް ހެދުމަށް ނިންމާފައިވާ ކަމަށް އޭނާ ބުންޏެވެ.
ރާއްޖޭގައި މިހާރު ހިމާޔަތްކޮށްފައިވާ 93 ސަރަހައްދުގެ ތެރެއިން ރަނގަޅަށް މެނޭޖްކުރެވެނީ އެންމެ ފަސް ސަރަހައްދު ކަމަށް މިނިސްޓަރު ތޯރިގް ފާހަގަކުރެއްވިއެވެ. އެހެން ނަމަވެސް، އިތުރު ސަރަހައްދުތައް ހިމާޔަތްކޮށް ބެލެހެއްޓުމަށް ސަރުކާރުން މަސައްކަތްތަކެއް ކުރަމުންދާ ކަމަށް އޭނާ ވިދާޅުވިއެވެ.
މީގެ އިތުރުން، ރައީސް ޑރ. މުހައްމަދު މުއިއްޒުގެ ވައުދާ އެއްގޮތަށް ކޮންމެ އަތޮޅެއްގައި ވެސް ނޭޗާ ޕާކެއް ހެދުމަށް ހުޅުވާލި ފުރުސަތުގައި ގިނަ ޕްރޮޕޯސަލްތަކެއް ލިބިފައިވާ ކަމަށާއި، މި ޕްރޮޕޯސަލްތައް ރިވިއުކޮށް، އަންނަ އަހަރު އަމަލީ މަސައްކަތް ފަށާނެ ކަމަށް ވެސް މިނިސްޓަރު ތޯރިގް ހާމަކުރެއްވިއެވެ.
