ސިނަމޮން ވެލިފުށީ ރިސޯޓް ފޮޓޯ: ހޮޓެލް އިންސައިޑާސް މޯލްޑީވްސް
ބެލަރޫސްގެ އަންހެނަކު ވ. އަތޮޅުގައި ގެނބިގެން މަރުވެއްޖެ: ޕޮލިސް
އައިޝަތު ރަޝާ
21 އޮކްޓޯބަރ 2024 - 15:33:39
ވ. އަތޮޅުގައި ހުންނަ ސިނަމަން ވެލިފުށި މޯލްޑިވްސް ރިސޯޓުގައި ޗުއްޓީ ހޭދަކުރަމުންދިޔަ ބެލަރޫސްގެ 64 އަހަރުގެ އަންހެނަކު ގެނބިގެން މަރުވެއްޖެ އެވެ.
Advertisement
މައުލޫމާތު ލިބިފައިވާގޮތުގަިއ މި ހާދިސާ ހިނގީ މިއަދު ކަމަށް ފުލުހުން ބުނެއެވެ.
އެނގިފައިވާ ގޮތުގައި، މަރުވި އަންހެން މީހާއަކީ ގާތްގަނޑަކަށް 10 މީހުންގެ ގްރޫޕަކާ އެކު އެ ރިސޯޓަށް ޗުއްޓީ ހޭދަކުރަން ގޮސް އުޅުނު މީހެއްކަަމަށާއި އޭނާ ގެނބުނު ވަގުތު އިތުރު މައުލޫމާތެއް ލިބިފައެއް ނުވާ ކަަމަށް ފުލހުން ބުނެއެވެ.
ގެނބުނު ފަހުން އެ އަންހެން މީހާ ގެންދިޔައީ ވ. ފެލިދޫގައި ހުންނަ އަތޮޅު ހޮސްޕިޓަލަށް ކަަމަށް ފުލުހުން ބުނެއެވެ.
މި މަހު ރާއްޖޭގައި ޗުއްޓީ ހޭދަކުރަމުން އައި ތިން ޓޫރިސްޓަކު ގެނބިގެން މަރުވެފައިވާކަން ފާހަގަކުރެވެ އެވެ. މީގެ ތެރޭގައި ހިމެނެނީ މި ބެލަރޫސް އަންހެން މީހާގެ އިތުރުން ޗައިނާގެ ދެ ޓޫރިސްޓުންނެވެ. މި ހާދިސާތަކާ ގުޅިގެން ރިސޯޓުތަކުގައި ސަލާމަތީ ފިޔަވަޅުތައް އިތުރަށް ހަރުދަނާ ކުރުމަށް ޓޫރިޒަމް މިނިސްޓްރީން އިލްތިމާސްކޮށްފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
