ދަރަނީގެ ލަފާ ހޯދަން ސެންޓާވިއުއާ އެކު އެއްބަސްވުމެއް ހެދިކަން ދިވެހި ސަރުކާރުން ހާމައެއް ނުކުރެއެވެ، މި އެއްބަސްވުމުގެ ވާހަކަ އާއްމުކުރީ ނިއުސް އެޖެންސީ ރޮއިޓާސްއިންނެވެ. އެ އެޖެންސީ މި އެއްބަސްވުމުގެ ހަބަރު ގެނެސްދިނީ މި މަހުގެ 12 ވަނދުވަހުއެވެ.
އެހެންނަނަމަވެސް ސެންޓާވިއުއާ އެކު ސަރުކާރުން ހެދި އެއްބަސްވުން ސަރުކާރުން މިހާރު ވަނީ ބާތިލުކޮށްފައެވެ. މި އެއްބަސްވުން ބާތިލުކުރި ސަބަބެއް ސާފެއް ނުވެއެވެ.
ސެންޓަވިއުއާ އެކު ދިވަހި ސަރުކާރުން އެއްބަސްވުން ހެދީ މަހަކު 55،000 ޑޮލަރު (848،100ރ.) ދައްކަން ޖެހޭ ގޮތަށެވެ.
ވޯލްޑް ބޭންކުގެ މައުލޫމާތު ދައްކާގޮތުގައި މިއަހަރުގެ ފުރަތަމަ ކުއާޓަރގައި ރާއްޖޭގެ ޖުމްލަ ދަރަނި ހުރީ 8.2 ބިލިއަން ޑޮލަރުގައެވެ. މިއީ ޖީޑީޕީގެ 116 އިންސައްތައެވެ. މީގެ ގާތްގަނޑަކަށް ދެބައިކުޅައެއްބައި އަކީ ބޭރުގެ ދަރަނިއެވެ. މީގެ ތެރެއިން ބޮޑު ބައެއް ދައްކަންޖެހެނީ ސަރަޙައްދީ ވާދަވެރިން ކަމުގައިވާ ޗައިނާ އަދި އިންޑިއާއަށެވެ. ޗައިނާއަށް 1.37 ބިލިއަން ޑޮލަރު އަދި އިންޑިއާއަށް 124 މިލިއަން ޑޮލަރު ދައްކަންޖެހެއެވެ.
މީގެއިތުރުން ރާއްޖޭގެ އެތެރޭގެ ދަރަނި 74 ބިލިއަން ރުފިޔާއަށް ވަނީ އަރާފައެވެ.
