ބީބީސީން ބުނެފައިވާ ގޮތުގައި ޑިސެމްބަރު މަހު އެތުލެޓިކޯ މެޑްރިޑާ ދެކޮޅަށް ބާސެލޯނާ ލީގުގައި ކުޅޭ މެޗު އެމެރިކާގެ މިއާމީގައި ކުޅުމަށް ލަލީގާގެ އޮފިޝަލުން އަންނަނީ ރާވަމުންނެވެ. ފީފާއިން މި ވިސްނުން އެޕްރޫވް ކުރެވޭނެ ކަމަށް އުއްމީދު ކުރާއިރު، މިކަން ހަމަ ޖެހިއްޖެނަމަ ވެގެންދާނީ އެމެރިކާގައި ލަލީގާގެ މެޗެއް ކުޅޭ ފުރަތަމަ ފަހަރަށެވެ. ލަލީގާ މި ހުށަހެޅުމާ މެދު އެންމެ ފަހުގެ ނިންމުން ނިންމާނީ ފުޓްބޯޅައިގެ ދުނިޔޭގެ ގަވަނިން ބޮޑީ ފީފާއިންނެވެ.
މިއާމީއަކީ ބާސެލޯނާގެ ކުރީގެ ތަރި ލިއޮނަލް މެސީ މިހާރު ދިރިއުޅޭ ސިޓީއެވެ. މި މެޗު މިހާރު ކުޅުމަށް މަސައްކަތް ކުރަމުން އަންނަނީ ޑިސެމްބަރު މަހުގެ 22 ވަނަ ދުވަހު ކަމަށާއި، އޭގެ ކުރިން ލަލީގާގެ ވިންޓާ ބްރޭކަށް މަޑުޖައްސާލާނެ ކަމަށް ރިޕޯޓްތައް ބުނެއެވެ.
ލަލީގާގެ މެޗުތައް އެހެން ގައުމުތަކަށް ގެންދިއުމަށް އެދޭ ކަމަށް ލަލީގާގެ ރައީސް ހާވިއާ ޓެބާސް ވަނީ ވާހަކަ ދައްކައިފަ އެވެ.
