އިހުސާން މިކަމާ ގުޅޭގޮތުން ކަންބޮޑުވުން ފާޅުކުރީ އިއްޔެ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ.
އިހުސާން ވިދާޅުވީ ވޭޕް މަނާކުރުމަށް ރައީސް މުއިއްޒު ނިންމެވި ނިންމެވުން އެއީ ބައިވަރު އެކި ކަންކަމަށް ބަލާފައި ނިންމެވި ނިންމުމެއް ކަމަށެވެ. އޭގެ ތެރެއިން އެންމެ ބޮޑު އެއްކަމަކީ މަސްތުވާތަކެތީގެ ވަބާގައި ރާއްޖޭގެ ކުދާކުދިން ޖެއްސުމަށް މީގެ ތެރެއިން މަސައްކަތް ކުރަމުން ދާ ދިޔުން ހުއްޓުވުމަކަށް ގެނައުން ކަމަށް މިނިސްޓަރު އިހުސާން ވިދާޅުވިއެވެ.
އޭގެއިތުރުން ސްކޫލް ތަކުގެ ތެރެއިން މިނިސްޓްރީ އޮފް އެޑިއުކޭޝަނުން އެތައް ހާސް ވޭޕް ސްޓިކެއް މިދިޔަ 1 އަހަރު ދުވަސް ތެރޭގައި ނަގާ ފައިވާކަމަށްވެސް މިނިސްޓަރު ވިދާޅުވިއެވެ.އެ ސަބަބުތަކާ ހުރެެ ވޭޕްގެ މައްސަަލައަށް ނިންމުމެއް ގެންނަށް ސަރުކާރަށް މަޖުބޫރިވިކަމަށް މިނިސްޓަރު ވިދާޅުވިއެވެ.
ވޭޕް ކުރުމަކީ ވަރަށް ގިނަ ޒުވާނުން ސޯޝަލް މީޑިއާގައި ވެސް ކެޝުއަލީ ކުރާ ކަމަކަށްވީނަމަ ވެސް އެ ކަމުން ލިބޭ ބޮޑު ގެއްލުމުން ސަލާމަތްވުމަށްޓަކައި އެ ބޭން ކުރުން އެއީ ކޮންމެހެން ކުރަން ހުއްޓުވަން ޖެހޭ ކަމެއްކަމަށް އިހުސާން ވިދާޅުވިއެވެ. އަދި ތަންފީޒި އިދާރާތަކުން ކަސްޓަމްސް ސާވިސް އަދި ޕޮލިސް ސާވިސްއިން ރައީސް މުއިއްޒުގެ މި ނިންމެވުން ފުރިހަަމައަށް ތަންފީޒްކުރާނެ ކަމުގެ ޔަގީން ކަން މިނިސްޓަރު އިހުސާން ދެއްވިއެވެ.
ރާއްޖެއަށް ވޭޕްކުރުމަށް ބޭނުންކުރާ ތަކެއްޗާއި އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން އަންނަ މަހުގެ 15 ދުވަހުން ފެށިގެން މަނާކުރަން ރައީސް ޑރ. މުއިއްޒު ވަނީ ނިންމަވާފައެވެ. އަދި ވޭޕް ރާއްޖޭގައި ބޭނުންކުރުން ޑިސެމްބަރު 15 އިން ފެށިގެން މަނާކުރަންވެސް ރައީސް ވަނީ ނިންމަވާފައެވެ. އަދި ވޭޕް ބޭނުންކޮށްފި މީހަކު 5000 ރުފިޔާއިން ޖޫރިމަނާ ކުރަން ވެސް މިހާރު ވަނީ ނިންމާފައެވެ.
