ބީއެމްއެލުން ބުނީ ރާއްޖެއިން ބޭރުގައި ކިޔަވާ ދަރިވަރުންނަށް ޑެބިޓް ކާޑުން ކޮންމެ މަހަކު ދޭ ބޭރުގެ މުއާމަލާތްތަކުގެ ލިމިޓް 1،200 ޑޮލަރަށް އިތުރުކޮށްފައިވާކަމަށެވެ. އަދި މި ނިންމުމަށް އަންނަމަހުގެ އެއްވަނަ ދުވަހުން ފެށިގެން އަމަލުކުރަން ފަށާނެކަމަށް އެ ބޭންކުން ބުނެއެވެ.
ބީއެމްއެލުން ބުނީ އަލަށް އިތުރުކުރި ލިމިޓް ދޫކުރަނީ އެކަމަށް އެދޭ ދަރިވަރުންނަށް ކަމަށެވެ. އަދި އެކަމަށް އެދެން އޮންލައިން ޕޯޓަލް މެދުވެރިކޮށް ބޭންކުގައި ރަޖިސްޓްރީވާން ޖެހޭނެ ކަމަށްވެސް ބޭންކުން ބުނެއެވެ. އަދި އެކަމަށް ބޭނުންވާސަޕޯޓިން ޑޮކިއުމަންޓްތައް ހުށަހަޅަން ޖެހޭނެ ކަމަށާއި ރަޖިސްޓްރީ ކުރުމާ ބެހޭ ތަފްސީލުތައް ވަގުތުން ލިބޭނެކަމަށްވެސް ބީއެމްއެލުން ބުނެއެވެ.
ބޭންކް އޮފް މޯލްޑިވްސްއިން މި ބަދަލު ގެނެސްފައިމިވަނީ އެ ބޭންކުގެ ގެ ސީއީއޯގެ މަގާމަށް އެ ބޭންކުގެ ޑެޕިއުޓީ ސީއީއޯކަން ކުރިން ކުރެއްވި މުހައްމަދު ޝަރީފް އައްޔަންކުރި ފަހުން ބޭއްވި ފުރަތަމަ ބޯޑު ބައްދަލުވުމުގައެވެ.
