މިމަހުގެ 21 ގައި ޔުނިވާސަލް ފައުންޑޭޝަންގެ މެޑިކަލް ސްޕެޝަލައިޒޭޝަން ޕްރޮގްރާމްތަކަށް ފުލްލީ ފަންޑް ސްކޮލަޝިޕް ދިނުމަށް ރަސްމިއްޔާތެއް ބޭއްވި އެވެ. އެގޮތުން ޔުނިވާސަލް ފައުންޑޭޝަނުން ބުނީ މެޑިކަލް ސްޕެޝަލައިޒޭޝަން ޕްރޮގްރާމްތަކަށް "ފުލީ ފަންޑް" ކޮށް ތިން ސްކޮލަޝިޕް ދިނުމަކީ އެފަރާރުން ލިބޭ ވަރަށް ބޮޑު އުފަލެއް ކަމަށެވެ.
މި ސްކޮލަޝިޕް ލިބުނު ފަރާތްތަކާއި ސްޕެޝަލައިޒޭޝަންގެ ދާއިރާތަކަކީ:
- ޑޮކްޓަރު ފާތިމަތު މިޝްފާ ވަސީމް، މާސްޓާ އޮފް އޮޓޯރިނޮލަރިންގޮލޮޖީ ހެޑް އެންޑް ނެކް ސާޖަރީ، ޔުނިވަރސިޓީ މަލަޔާ، މެލޭޝިއާ
- ޑޮކްޓާ ނޫހާ އަބްދުއްރަޙްމާން، މާސްޓާ އޮފް ޕީޑިއަޓްރިކްސް، ޔުނިވާސިޓީ މަލަޔާ، މެލޭޝިއާ
- ޑޮކްޓާ އާމިނަތު ނަޖްދާ، މާސްޓާ އޮފް މެޑިސިން ސާޖަރީ މެލޭޝިއާގެ ޔުނިވާސިޓީ ސެއިންސް
މި ތިން ދަރިވަރުން ބައިވެރިވާނީ ޔުނިވާސަލް ފައުންޑޭޝަން ސްކޮލަޝިޕް ޕްރޮގްރާމްގެ ދަށުން މިހާރު ރާއްޖެއިން ބޭރުން މަތީ ތައުލީމު ހާސިލް ކުރަމުން އަންނަ 15 އިލްމުވެރިންނާ އެކުއެވެ.
ފުލީ ފަންޑޮށް ސްކޮލާޝިޕް ދިން 3 ދަރިވަރުން ނާއެކު
ޔުނިވާސަލް ފައުންޑޭޝަން 2014 ވަނަ އަހަރު ހިންގަން ފެށުމުގެ ކުރިން ވެސް ޔުނިވާސަލް އިން މެޑިކަލް އަދި އެހެނިހެން ދާއިރާތަކުން ސްކޮލަޝިޕް ދެމުން ދިޔައެވެ. ރާއްޖެއިން ބޭރުގައި ޖުމްލަ 121 ސްކޮލަޝިޕް މިހާތަނަށް ދީފައިވާއިރު މިވަގުތު ރާއްޖެއިން ބޭރުގައި ޔުނިވާސަލް ސްކޮލަޝިޕްގެ ދަށުން 15 ދަރިވަރަކު ކިޔަވަމުން ދާކަމަށް އެ ފައުންޑޭޝަނުން ބުނެއެވެ.
ޔުނިވާސަލް ފައުންޑޭޝަނުން 2014 ވަނަ އަހަރުން ފެށިގެން 2024 ވަނަ އަހަރާ ހަމައަށް ދީފައިވާ ސްކޮލާޝިޕްތަކުގެ ތަފްސީލް:
- 67 މެޑިކަލް ސްކޮލާޝިޕް ،އެމްބީބީއެސް އެންޑް ސްޕެޝަލައިޒޭޝަން
- 4 އެކައުންޓިން އެންޑް ފިނޭންސް
- 19 ބިޒްނަސް: މެނޭޖްމަންޓް، އެޗްރާ، މާކެޓިން
- 3 ޑިސައިނިން: ގްރެޕިކްސް އެންޑް އިންޓީރިއާ
- 2 އެޑިއުކޭޝަން
- 10 އިންޖިނިއަރިން: މެކޭނިކަލް އެއާކްރާފްޓް އާކިޓެކްޗާ
- 9 ހޮސޕިޓާލިޓީ : ހޮސްޕިޓާލިޓީ އެންޑް ކަލިނަރީ
- 3 އިންފޯމޭޝަން ޓެކްނޮލޮޖީ
- 1 މެރިން ބަޔޮލޮޖީ
- 3 ޕައިލޮޓް ޓްރެއިނިން
އޭގެއިތުރުން ޔުނިވާސަލް ފައުންޑޭޝަނުން ޒުވާނުންނަށް ހޮސްޕިޓަލިޓީ އިންޑަސްޓްރީއަށް ވަނުމަށް ހިތްވަރުދީ ދޮރުތައް ހުޅުވާލުމުގެ މަގްސަދުގައި ވިލާ ކޮލެޖާއެކު ސެޓްފިކެޓް 3 އިން ހޮސްޕިޓަލިޓީ ޕްރޮގްރާމެއް ހިންގަމުން ދާކަމަށް އެ ފަރާތުން ބުނެއެވެ. އެގޮތުން މި ބައިވެރިން ވިލާ ކޮލެޖުން ތިއަރީ ކްލާސްތައް ފުރިހަމަކޮށް ޔުނިވާސަލް ރިސޯޓްސްގައި ޕްރެކްޓިކަލް އިންޓަރންޝިޕް ފުރިހަމަ ކުރާކަމަށް އެ ފައުންޑޭޝަނުން ބުނެއެވެ. އަދި މިދިޔަ އަހަރާ ހަމައަށް 130 ބައިވެރިން މި ކޯސް ފުރިހަމަކޮށްފައިވާއިރު މިހާރު ޔުނިވާސަލް ރިސޯޓްތަކުގައި 20 ދަރިވަރަކު އިންޓަރންޝިޕް ފުރިހަމަ ކުރަމުން ދާކަމަށް ޔުނިވާސަލްއިްނ ބުނެއެވެ.
ޔުނިވާސަލް ފައުންޑޭޝަނުން އެހެން އެންޖީއޯތަކާއި ސަރުކާރުގެ އިދާރާތަކާ ގުޅިގެންވެސް ތަފާތު ޕްރޮގްރާމްތައް ހިންގައެވެ. އޭގެތޭގައި އިމާދުއްދީން ސްކޫލްގައި 4 ސެން ކްލާސްރޫމް، އެންއައިއީ އާއެކު ސެން ޓީޗަރުން ޓްރެއިން ކުރުމުގެ ވޯކް ޝޮޕަކާއި، ޓައިނީ ހާޓްސް އާއެކު ހާޓް ޗެކްއަޕް ކޭމްޕްއަކާއި، އަޓޯލްތަކުގައި ސިއްހީ ކޭމްޕްތަކާއި ، ތިމާވެށީގެ އިނިޝިއޭޝަންތަކާއި ގޮނޑުދޮށް ސާފުކުރުމުގެ ހަރަކާތްތައް ހިމެނެއެވެ.
