ޗައިނާގައި ކުރިއަށްދާ ކޮލިފައިން މެޗުތަކުގައި މި މެޗަކީ ރާއްޖޭން އެންމެ ތަފާތު ބޮޑުކޮށް ބަލިވިމެޗެވެ. ކޮރެއާއާ ދެކޮޅަށް މި މެޗުގައި ނުކުތްއިރު، ރާއްޖެ ޓީމުގެ މުހިންމު ދެ ކުޅުންތެރިއަކަށްވަނީ އަނިޔާ ވެގެން ނުކުޅެވިއެވެ. އެއީ ޓީމުގެ ކެޕްޓަން، އިލާން، 15، އާއި މިޑްފީލްޑަރު އަޔާން، 16، އެވެ.
ގްރޫޕްގައި ރާއްޖޭން ކުޅޭ ފަހު މެޗު އޮތީ، ކޮލިފައިން މި ގްރޫޕްގެ މި މެޗުތައް ކުރިއަށްދާ ޗައިނާއާ ދެކޮޅަށް އަންނަ ހުކުރު ދުވަހު އެވެ. މީގެކުރިން ރާއްޖެ ކުޅުނު ދެ މެޗުން ވަނީ 2-2 އިން ބޫޓާނާ އެއްވަރުވުމުގެ އިތުރުން، ބަހްރޭން އަތުން 1-0 އިން ބަލިވެފަ އެެވެ.
މި ގްރޫޕްގެ އެއް ވަނައިގައި އޮތް ކޮރެއާ އާއި ދެ ވަނައިގައި އޮތް ޗައިނާ އަށް ވަނީ ހަ ޕޮއިންޓް ލިބިފަ އެވެ. ތިން ވަނައިގައި އޮތް ބަހްރޭނުގެ ތިން ޕޮއިންޓް އޮތްއިރު، ހަތަރެއްގައި އޮތް ބޫޓާނާއި ފަސް ވަނައިގައި އޮތް ރާއްޖެ އަށް ލިބިފައިވަނީ އެންމެ ޕޮއިންޓެކެވެ.
