މި ކޯހުގެ ބޭނުމަކީ އިލެކްޓްރިކަލް ދާއިރާއަށް އަންހެނުން ޝައުގުވެރިކުރުވައި، އެ ދާއިރާގައި ފިރިހެނުންނާއި އެއް ހަމައެއްގައި މަސައްކަތް ކުރުމުގެ ފުރުސަތު ފަހިކޮށްދިނުމަށް ކަަމަށް ސްޓެލްކޯއިން ބުނެއެވެ.
މި ކޯހުގައި މުޅިން ހިލޭ ބައިވެރިވެވޭއިރު އެ ފުރުސަތު މިހާރު ވަނީ ހުޅުވާލެވިފައިކަމަށް ސްޓެލްކޯއިން ބުނެއެވެ. އަދި ރައްކާތެރިގޮތުގައި ކަރަންޓު ބޭނުން ކުރުމާއި، ކަރަންޓަށް ކުރާ ހަރަދު ކުޑަ ކުރުމުގެ އިތުރުން، ކަރަންޓު ވަޔާ ކުރުމުގެ އަސާސީ މައުލޫމާތު މި ކޯހުގައި ކިޔަވައިދިނުމަށް ހަމަޖެހިފައި ވާކަމަށް ސްޓެލްކޯއިން ބުނެއެވެ.
ސްޓެލްކޯއިން ބުނީ މިކޯސް ކުރިއަށް ދާނީ 4 ދުވަހުގެ މުއްދަތަކަށް، ކޮންމެ ދުވަހަކަކު 3 ގަޑީރަށް ކަމަށެވެ. އަދި މިއީ މާލޭ ގައި ކުރިއަށް ދާނެ ކޯހެއއް ކަަމަށްވެސް ސްޓެލްކޯއިން ބުނެއެވެ.
ކޯހުގައި ބައިވެރިވުމަށް ހިމެނެނީ އެއްމެ ޝަރުތެކެވެ. އެއީ ބައިވެރިވާ ފަރާތައް 16 އަހަރު ފުރިފައިވާން ޖެހޭ ކަމަށް ސްޓެލްކޯއިން ބުނެއެވެ.
ކޯހާއި ބެހޭ އިތުރު މައުލޫމާތު ހޯދުމަށް [email protected] ނުވަތަ 3338244، 3338236 މެދުވެރިކޮށް ހޯދުމަށް ސްޓެލްކޯއިން އިލްތިމާސްކުރެއެވެ.
