މައްސަލަގައި ހައްޔަރުކޮށްފައިވަނީ ގއ. ވިލިނގިލި، ލައިފް، އުމުރުން 22 އަހަރުގެ މުހައްމަދު ޝައިން ޝަމީޒް އާ ލ. ގަން ތުނޑި، ނޯތުހެވަން އުމުރުން 24 އަހަރުގެ ހަމްދޫން ހަލީލެވެ.
ފުލުހުން ބުނީ މި މީހުން ވަނީ ގއ. ވިލިނގިލީގައި އުމުރުން ދުވަސްވީ އަންހެނެއްގެ ކޭޝް ކާޑު ވަގަށް ނަގާ މާމެންދޫ ބީއެމްއެލް އޭޓީއެމުން ފައިސާ ނަގާފައިކަމަށެވެ.
މި މައްސަލައިގެ ރިޕޯޓް ލިބުމުން ކުރިޔަށް ގެންދިޔަ އޮޕަރޭޝަނުގައި ކާޑު ވަގަށް ނެގި ކަމަށް ތުހުމަތު ކުރެވޭ ދެ މީހުން މާމެންދޫއިން ވިލިނގިއްޔަށް ދަނިކޮށް ކަނޑުމަތިން ހުއްޓުވައި ހައްޔަރުކޮށްފައިވާ ކަމަށް ފުލުހުން ބުނެއެވެ.
އެ މީހުން ހައްޔަރުކޮށް، އެ މީހުން ދަތުރުކުރި ލޯންޗު ބަލައިފާސްކުރިއިރު، އެ ކޭޝް ކާޑު ބޭނުންކޮށްގެން އެ މީހުން ވަގަށް ނެގި ކަމަށް ބެލެވޭ 25،000 ރުފިޔާގެ ތެރެއިން 23،000 ރުފިޔާ ފެނިފައިވާ ކަމަށް ފުލުހުން ބުނެއެވެ.
