އެކަމަށް ސްކްރީންތައް ލިބިފައިވާއިރު ހެރިޓޭޖް މިނިސްޓްރީން ބުނީ މިއީ މިހާރު މާލެގެނެވިފައިވާ ކަޅުއޮއްފުންމި އަލުން މަރާމަތުކޮށް ޒަމާނީ އާ ހަރުގެއާއެކު ހުޅުވާލުމަށް ބޭނުންވާ މަސައްކަތުގެ ބައެއް ކަަމަށެވެ.
ކަޅުއޮއްފުންމީގެ ހަރުގެ ބިނާކުރެވި އަލުން ހުޅުވައިލެވޭ އިރު، އުތީމު މަހާރަދުންގެ ޖިހާދުގެ މުޅި ވާހަކަ ކުރެހުންތަކާއެކު ފެންނަމުންދާނެ ކަަމަށް ހެރިޓޭޖް މިނިސްޓްރީން ފާހަގކުރެއެވެ. އަދި އެ ކަމަށް ޓަކައި ކަމާބެހޭ ތާރީހީ ހޯދުންތައް ހޯދައި ވާހަކައިގެ މަންޒަރުތައް ކުރެހުމުގެ މަސައްކަތް ވެސް ކަމާބެހޭ ޓީމަކާ ހަވާލުކުރެވިގެން މަސައްކަތް ކުރިޔަށް ދާކަމަށް ހެރިޓޭޖް މިނިސްޓްރީން މައުލޫމާތުދެއެވެ.
ރާއްޖެއަށް މިހާރު ދިމާވެފައިވާ މާލީ ދަތިކަމުގެ ސަބަބުން މި މަޝްރޫއަށް އެންމެ އެކަށޭނަ ދުވެލި ލިބުމުގައި ދަތިތަކެއް ހުރިކަން މިނިސްތްރީން ފާހަގަކުރައްވައެވެ. ނަމަވެސް މަސައްކަތް ކުރިޔަށް ގޮސް އަލުން ހުޅުވައިލެވޭނީ ކަޅުއޮއްފުންމި ހަރުގެއަކީ ނުވަތަ ކަޅުއޮއްފުންމިއަކީ ވެސް ވަކިން ބަލައިލެވޭ އާސާރެއްގެ ގޮތުގައި ހިމެނިގެންނެވެ. އަދި އެއާ އެކު ބޭރުގެ ފަރާތްތަކަށް ކަޅުއޮއްފުންމި ދައްކާލުމުގައި ދައުލަތަށް މާލީ މަންފާ ލިބޭނެ އިންތިޒާމު ހަމަޖެހިފައިވާ ކަމަށް ހެރިޓޭޖް މިނިސްޓްރީން ބުނެއެވެ.
ޕޯޗުގީޒުން ރާއްޖެ އަޅުވެތި ކުރީ މީލާދުން 1558ގައެވެ. އުތީމު ގާޒީ ބަންޑާރައިންގެ ޖިހާދުން ރާއްޖެ މިނިވަންވީ 1573ގައެވެ.
