މިއީ ވޭތުވެދިޔަ 19 އަހަރުގެ ތެރޭގައި ރެކޯޑު ކުރެވުނު އެންމެ މަތީ އެވްރެޖް ހޫނުމިން ކަމަށް މޯލްޑިވްސް ބިއުރޯ އޮފް ސްޓެޓިސްޓިކްސްއިން ބުނެއެވެ.
ބިއުރޯއިން މި އަހަރު އާންމު ކުރި ސްޓެޓިސްޓިކަލް ޕޮކެޓްބުކުގައިވާ ގޮތުން، 2005 އިން ފެށިގެން ބެލި ހިސާބުތަކަށް ބަލާއިރު، މިދިޔަ އަހަރަކީ އެވްރެޖް ހޫނުމިން އެންމެ މަތިވި އަހަރެވެ. ހަމަ އެހެންމެ، އެވްރެޖް ފިނިމިން އެންމެ ދަށްވި އަހަރަކީ ވެސް މިދިޔަ އަހަރެވެ. މިދިޔަ އަހަރުގެ އެވްރެޖް ފިނިމިން ހުރީ 24 ޑިގްރީ ސެލްސިއަސްގަ އެވެ.
މޫސުމަށް އަންނަ މި ބަދަލުތަކާ ގުޅިގެން، މިދިޔަ އަހަރު ރާއްޖެއަށް ވެހުނު ވާރޭގެ މިންވަރަކީ 243 މިލިލީޓަރެވެ. ނަމަވެސް، މިއީ 19 އަހަރުގެ ތެރޭގައި އެންމެ ގިނައިން ވާރޭ ވެހުނު އަހަރެއް ނޫނެވެ. އެންމެ ގިނައިން ވާރޭ ވެހުނީ 2006 ވަނަ އަހަރު ކަމަށާއި، އެ އަހަރު 2711 މިލިލީޓަރުގެ ވާރޭ ވެހުނު ކަމަށް ބިއުރޯއިން ބުނެފި އެވެ.
މޫސުމީ ބަދަލުތަކުގެ އަސަރު އެންމެ ބޮޑަށް ކުރަނީ ކުދި ޖަޒީރާ ގައުމުތަކަށް ކަމަށާއި، އޭގެ ތެރޭގައި ދިވެހިރާއްޖެ ވެސް ހިމެނޭ ކަމަށް މޫސުމާބެހޭ މާހިރުން ބުނެ އެވެ. މި ބަދަލުތަކުގެ ތެރޭގައި ވާރޭ ވެހޭ ޕެޓަން ބަދަލުވުމާއި، ފިނިހޫނުމިނުގެ ޕެޓަން ބަދަލުވުން ހިމެނޭ ކަމަށް އެ މާހިރުން ފާހަގަކުރެ އެވެ.
