އައިޖީއެމްއެޗް ގެ މިތަފާސް ހިސާބު ހާމަކޮށްފައިވަނީ އިއްޔެ މާލޭ ގްރޫޕް އޮފް ހޮސްޕިޓަލްސް އިން ބޭއްވި ނޫސްވެރިންގެ ބައްދަލުވުމުގައި ސީއީއޯ އިބްރާހިމް އަބްދުއްރައްޒާގް ހަލީމް އެވެ.
އަހަރެއްގެ މައްޗަށް އައިޖީއެމްއެޗްގައި 1.9 މިލިއަން ޑައިގްނޯސްޓިކް ލެބޯޓްރީ ޓެސްޓު ހެދިއިރު ހުޅުމާލެ ހޮސްޕިޓަލުގައި އަހަރެއްގެ މައްޗަށް ހަދާފައިވަނީ 483،185 ލެބް ޓެސްޓު ކަމަށް ހަލީމް ވިދާޅުވިއެވެ.
އައިޖީއެމްއެޗްގެ ބާރު ބޮޑު އިމަޖެންސީ އާއި ޖީޕީ ޑިޕާޓްމަންޓުން އަހަރަކު 150،000 މީހުންނަށް ފަރުވާދީފައިވާއިރު ހުޅުމާލެ ހޮސްޕިޓަލުގައި އެ ޑިޕާޓްމަންޓުން 238،978 މީހުން ނަށް ފަރުވާ ލިވިފައިވާކަމަށް ހަލީމް ވިދާޅުވިއެވެ.
އޭގެއިތުރުން ވިލިމާލޭ އިމަޖެންސީ އަދި ޖީޕީ ޑިޕާޓްމަންޓުން ފަރުވާ ހޯދީ 2307 މީހުންކަމަށް ސީއީއޯ ހަލީމް ފާހަގަކުރެއްވިއެވެ.
އޭގެއިތުރުން އައިޖީއެމްއެޗްގައި އަހަރެއްގެ މައްޗަށް 25،500 މީހުން ސާޖަރީ ހަދަާކަަމަށް ތަފާސްހިސާބުން ދައްކައެވެ. އެ އަދަދާ އަޅާކިޔާއިރު ހުޅުމާލޭ ހޮސްޕިޓަލްގައި ސާޖަރީ ހެދި މިންވަރު ވަރަށް މަދެވެ. އެގޮތުން އެ ހޮސްޕިޓަލްގައި އަހަރެއްގެ މައްޗަށް ހަދަނީ 1،696 ސާޖަރީއެވެ.
އެކްސްރޭ އަދި ސްކޭންތައް ހެދުމުގެ ތަފާސްހިސާބު:
- އައިޖީއެމްއެޗް: 285،120
- ހުޅުމާލޭ ހޮސްޕިޓަލް: 121،531
- ވިލިމާލެ: 5،697
މިދިޔަ ހަތްފާތާގައި ބޭއްވި ނޫސްވެރިނަގެ ބައްދަލުވުމުގައި ހަލީމް ވަނީ ވިލިމާލެ ހޮސްޕިޓަލްގައި އެކަށީގެންވާ ފަރުވާ ނުދެވޭ ކަމަށް ފާހަގަކުރައްވާފައެވެ. ސަރރުކާރުން މިހާރު ވަނީ އެ ހޮސްޕިޓަލް އިމާރާތުގައި އާ ހޮސްޕިޓަލެއް އަޅަން ނިންމާ މަސައްކަތުގެ ދިރާސާތައް ހަދަން ޗައިނާގެ ކުންފުންޏަކަށް ހަވާލުކޮށްފައެވެ. އޭގެ އިތުރުން ވިލިމާލޭ ރައްޔިތުންނަށް ފަރުވާ ދިނުމަށް އިތުރު ގޮތެއް ހަަމަޖައްސަމުން އަންނަ ކަމަށްވެސް ހަލީމް ވިދާޅުވިއެވެ.
