ރޭންކިން މެޗުގައި ރާއްޖޭން ތަޖިކިސްތާން ބަލިކުރީ 3-1 ސެޓުންނެވެ. އެއީ 25-17، 25-16 ، 25-23 ، ނެވެ. ހަ ޓީމު ވާދަކުރި މުބާރާތުގައި ރާއްޖޭން ވަނީ ރައުންޑް ރޮބިން ބުރުގެ ފަހު މެޗުގައި ވެސް 3-1 ސެޓުން ތަޖިކިސްތާން ބަލިކޮށްފަ އެވެ. އެއީ 25-20، 20-25، 25-23 އަދި 25-22 އިންނެވެ.
އުޒްބެކިސްތާންގައި ކުރިއަށްދިޔަ ސެންޓްރަލް އޭޝިއާ ވޮލީބޯލް އެސޯސިއޭޝަން (ކާވާ) މެންސް ވޮލީބޯލް ޗެމްޕިއަންޝިޕްގައި، އެންމެ ރަނގަޅު ކުޅުމެއް ދެއްކި އިންޑިވިޖުއަލް ކުޅުންތެރިޔާގެ ޓްރޮފީ، ހޯދީ ރާއްޖޭގެ ގައުމީ ޓީމުގެ ކެޕްޓަން، އިސްމާއިލް ސާޖިދު (ކުޑަކާއްޓެ) އެވެ. ރާއްޖޭން މުބާރާތުގައި ކުޅުނު ހުރިހާ މެޗެއްގައި ވެސް ކުޑަކާއްޓެ ވަނީ އިންޑިވިޖުއަލީ މޮޅު ކުޅުމެއް ދައްކައިފަ އެވެ. އިންޑިވިޖުއަލް ކުޅުންތެރިންގެ ރޭންކިން، (ސްޕައިކް، ބްލޮކް އަދި ސާވް) އަށް ބަލާއިރު، ކުޑަކާއްޓެ އުޅެނީ އެންމެ ކުރީގަ އެވެ. އެ ގޮތުން، ކުޑަކާއްޓެ އަށް ވަނީ، ސްޕައިކަށް 99 ޕޮއިންޓް، ބްލޮކް އަށް ނުވަ ޕޮއިންޓް އަދި ސާވް އަށް ލިބުނު ދެ ޕޮއިންޓާ އެކު، ޖުމްލަ އެކު، 110 ޕޮއިންޓް ލިބިފަ އެވެ. ދެ ވަނައިގައި އޮތް، ތުރުކުމެނިސްތާންގެ ވެއިސޯވް ބޭރަމްގެލްޑީ އަށް ލިބުނީ، 95 ޕޮއިންޓެވެ.
