ތާރިގު އަލީ ހާން
އަމިތާބު ބައްޗަންއާ ވާދަކުރި ތާރިގު އަލީ ހާން މިހާރު ކޮބާ؟
އައިޝަތު ނޫރާ
26 އޮކްޓޯބަރ 2024 - 13:37:59
ނަވާރަސަތޭކަ ހަތްދިހައިގެ އަހަރުތަކުގައި އިންޑިއާގެ ސިނަމާގައި ވަރަށް މަގުބޫލު އެކްޓަރެއްގެ ގޮތުގައި ހުރި ތާރިގު އަލީ ހާން މިހާރު މަސައްކަތް ކުރަނީ މުންބާއީގެ ޝިޕިން ކުންފުންޏެއްގައި ކަމަށް އިންޑިއާގެ މީޑިއާތަކުން ހާމަކޮށްފިއެވެ.
Advertisement
މަޝްހޫރު އެކްޓަރު އާމިރު ހާންގެ ދެބޭންގެ ދެދަރި ބޭބެ، ތާރިގު އަލީ ހާން ވަނީ 12 ފިލްމުގައި މުހިންމު ރޯލުތަކެއް ކުޅެފައެވެ. އޭގެ ތެރޭގައި "ޔާދޯން ކީ ބާރާތް" އަދި "ހަމް ކިސީސެ ކަމް ނަހީން" ފަދަ މަގުބޫލު ފިލްމުތައް ހިމެނެއެވެ. އޭރު އޭނާއަކީ އަމީތާބު ބައްޗަން، ރާޖޭޝް ކަންނާ އަދި ދަރުމޭންދުރާ ފަދަ ބޮޑެތި ތަރިންނާ ވާދަކުރި އެކްޓަރެކެވެ.
ތާރިގު އަލީ ހާން އެންމެ ފަހުން ފިލްމެއްގައި ފެނުނީ 1995 ވަނަ އަހަރު "މޭރާ ދަމާދު" އިންނެވެ. އޭގެ ފަހުން އޭނާ ވަނީ އެކްޓިން ދާއިރާއިން މުޅިން ދުރަށް ގޮސްފައެވެ. އިންޓަވިއުއެއްގައި އޭނާ ބުނެފައިވަނީ އެކްޓަރަކަށް ވާން އޭނާ ބޭނުމެއް ނުވި ކަމަށާއި، "އާއިލާގެ ސިޔާސީ ކަންކަމުގެ ތެރެއިން އެކްޓުކުރަން އަށް މަޖުބޫރުވި" ކަމަށެވެ.
އާމިރު ހާން މިހާރު ވެސް ފިލްމީ ދާއިރާގައި މަސައްކަތް ކުރަމުން ދާއިރު، ތާރިގު އަލީ ހާން ވަނީ ފިލްމީދާއިރާއިން މުޅިން ދުރަށް ގޮސް، އެހެން ދިރިއުޅުމެއް އިހުތިޔާރުކޮށްފައެވެ. އޭނާ މިހާރު މަސައްކަތް ކުރަނީ މުންބާއީގެ ޝިޕިން ކުންފުންޏެއްގައި ސުޕަވައިޒިން އެގްޒެކެޓިވްއެއްގެ މަގާމުގައެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
