ކޮކެއިން
ރާއްޖެ އައި ބްރެޒިލް މީހަކު އަތުން 4 ކިލޯގެ ކޮކެއިން އަތުލައިފި
ގުފްތަގް އަޖީރު
26 އޮކްޓޯބަރ 2024 - 15:59:43
ބްރެޒިލްއަށް ނިސްބަތްވާ 37 އަހަރުގެ ފިރިހެނެއްގެ އަތުން 4 ކިލޯއަށް ވުރެ ގިނަ މިންވަރެއްގެ ކޮކެއިން މޯލްޑިވްސް ޕޮލިސް ސަރވިސްއިން ވަނީ އަތުލައިގަނެފި އެވެ.
Advertisement
ފުލުހުން ބުނީ މި މީހާ އަތްދަބަހެއްގެ ތެރޭގައި މަސްތުވާތަކެތި ފޮރުވައިގެން ރާއްޖެއަށް އެތެރެކުރަން އުޅެނިކޮށް ހައްޔަރުކުރެވުނު ކަމަށެވެ. އޭނާގެ ކުޑަކަމުދާ ތަކެތި ޓެސްޓުކުރުމުން ޓީއެޗްސީ އާއި އޯޕީއައި އަށް ޕޮޒިޓިވް ވެފައިވާ ކަމަށް ފުލުހުން މައުލޫމާތު ދިނެވެ.
މުއްދަތު މަޖިލީހުގައި އޭނާ ބުނެފައިވަނީ މަސްތުވާތަކެތި ފެނުނު އަތްދަބަހަކީ އޭނާގެ އެއްޗެއް ނޫން ކަމަށާއި އެއީ އޭނާއާ އެކު އައި އަންހެނެއްގެ އެއްޗެއް ކަމަށެވެ. އަދި އެ ދަބަހުގައި މަސްތުވާތަކެތި ހުރިކަން އެނގިފައި ނުވާ ކަމަށްވެސް އޭނާ ބުނި އެވެ.
ކްރިމިނަލް ކޯޓުން ވަނީ އޭނާ 30 ދުވަހުގެ މުއްދަތަށް ބަންދުކުރުމަށް އަމުރުކޮށްފަ އެވެ. މި މައްސަލައިގެ ތަހުގީގަށް އޭނާގެ ފޯނު ފުލުހުންނާ ހަވާލުކޮށްފައިވާ ކަމަށާއި، ހަފުތާއެއްގެ ތެރޭގައި ފޯނުގެ އެކްސްޓްރެކްޝަން ނިންމާލެވޭނެ ކަމަށް ފުލުހުން ބުންޏެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
