ދައުލަތުގެ މީޑިއާ މެދއަންނަ އަންގާރަ ދުވަހު ހެނދުނު 9:00 ގައި ދަރުބާރުގޭ ރަންނަބަނޑޭރި މާލަމުގައި ބާއްވާ ގުރުއަތުލުމުގައި، ގުރު ނެގޭ ވަގުތުން ފެށިގެން މި މައުލޫމާތު ލިބޭނެ އެވެ. މީގެ ތެރޭގައި ބްލޮކް ނަންބަރާއި ޕްލޮޓް ނަންބަރު ހިމެނެ އެވެ.
ގުޅިފަޅުން ޖުމުލަ 3،520 ގޯތި ދޫކުރާއިރު، އެންމެ ކުޑަ ގޯތި ހުންނާނީ 1،250 އަކަފޫޓުގެ ސައިޒުގަ އެވެ. އެންމެ ބޮޑު ގޯތި ހުންނާނީ 3،650 އަކަފޫޓުގެ ސައިޒުގަ އެވެ.
ގުރުއަތުލުމަށް ހާޒިރުވާ ފަރާތްތަކުގެ ތެރެއިން، ގޯތި ލިބޭ މީހާގެ ބަދަލުގައި އެހެން މީހަކު ހާޒިރުވާން ބޭނުންވާ ނަމަ، ގޯތި ލިބޭ މީހާގެ އިއުތިރާޒެއް ނެތް ކަމުގެ ލިޔުމަކާއި އައިޑީ ކާޑުގެ ކޮޕީއެއް ގެންދަން ޖެހޭނެ އެވެ.
ހައުސިންގ މިނިސްޓްރީން ބުނީ ގުޅިފަޅުގެ ލޭންޑް ޔޫސް ޕްލޭނަށް އައި ބަދަލާ ގުޅިގެން، ކުރިން ގޯތި ލިބުނު ފަރާތްތަކުގެ ގޯތީގެ ލޮކޭޝަނަށް ބަދަލު އައިސްފައިވާ ކަމަށެވެ. އަދި މިހާތަނަށް ޕްލޮޓް ހަވާލުކޮށްފައިވާ ފަރާތްތަކާއި، ޕްލޮޓް ހަވާލުނުކޮށް ތިބި ފަރާތްތަކާއި، ގިރާވަރު ފަޅުން ލިބިފައިވާ ގޯތިތައް ގުޅިފަޅަށް ބަދަލުކުރި މީހުންގެ ގޯތީގެ ގުރުއަތުލުން ވެސް ކުރިއަށްދާނެއެވެ.
