މިއީ ޓްރެފިކް މޮނިޓަރުންގެ ޕްރޮގްރާމެއްގެ ދަށުން ކުރިއަށް ގެންދިޔަ ތަމްރީނުތަކެކެވެ.
ފުލުހުން ބުނީ މި ޕްރޮގްރާމުގައި ގްރޭޑް 6، 7 އަދި 8 ގެ ދަރިވަރުން ބައިވެރިވި ކަމަށެވެ. އަދި ދަރިވަރުންނަށް ސެލްފް ޑިފެންސްގެ އިތުރުން ޓީމް ބިލްޑިން އާއި މޯޓިވޭޝަނަލް ސެޝަންތައް ވެސް ހިންގި ކަމަށެވެ.
ފަސް ދުވަހުގެ މުއްދަތަށް ކުރިއަށް ގެންދިޔަ މި ޕްރޮގްރާމުގައި ދަރިވަރުންނަށް މަގުމަތީގެ ގަވާއިދުތަކާއި، ޓްރެފިކް ސައިންތަކާއި، ލައިސަންސް ނެގުމުގެ އުސޫލުތަކާ ބެހޭ މައުލޫމާތު ދީފައިވެއެވެ. އަދި ކުއްލި ހާލަތްތަކުގައި އަވަސް ފަރުވާ ދިނުމަށް ކުރަންޖެހޭ ކަންކަން ވެސް ދަސްކޮށްދީފައިވެއެވެ.
ޕްރޮގްރާމް ނިންމުމުގެ ރަސްމިއްޔާތުގައި ވާހަކަދައްކަވަމުން އެސިސްޓެންޓް ކޮމިޝަނާ އޮފް ޕޮލިސް މޫސާ އަލީ ވިދާޅުވީ ދަރިވަރުން މި ޕްރޮގްރާމުން ދަސްކުރި ކަންކަން ހެޔޮގޮތުގައި ބޭނުންކުރުމަށް އިލްތިމާސްކުރައްވާ ކަމަށެވެ. އަދި ސައިބާ ކްރައިމްގެ މައްސަލަތަކުން ރައްކާތެރިވެ ތިބުމަށް ވެސް އޭނާ ގޮވާލެއްވި އެވެ.
މި ޕްރޮގްރާމަކީ ރޯޑް ސޭފްޓީ އެވެއާނަސް އެންޑް ޕްރިވެންޝަނާއި މަނަދޫ ޕޮލިސް އަދި ނ. އަތޮޅު ސްކޫލާ ގުޅިގެން ހިންގި ޕްރޮގްރާމެކެވެ. ފުލުހުން ބުނީ މި ޕްރޮގްރާމް ކުރިއަށް ގެންދިއުމުގައި ނ. އަތޮޅު ސްކޫލުގެ ޕްރިންސިޕަލާއި މުދައްރިސުންގެ ފުރިހަމަ އެއްބާރުލުން ލިބުނު ކަމަށެވެ.
