އިމިގްރޭޝަނުން ބުނީ ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އެ އިދާރާއާ ފުލުހުން ގުޅިގެން މިމަހު ހާއްސަ އިންސްޕެކްޝަން ތަކެއް ހިންގާފައިވާކަމަށެވެ.
ހަށިވިއްކަމުން ދިޔަ ފަސް މައްސަލައަކާއި ގުޅިގެން ނުވަ މީހަކު ހައްޔަރުކުރިކަމަށް އިމިގްރޭޝަނުން ބުނެއެވެ. އޭގެތެރޭގައި ހިމެނެނީ ބިދޭސީ ހަތް އަންހެނަކާއި އެޖެންޓްގެ ގޮތުގައި މަސައްކަތް ކުރި ދެ ފިރިހެނުންކަމަށް އިމިގްރޭޝަނުން ބުނެއެވެ.
މި މައްސަލަތައް ތަހުގީގު ކުރުމަށްފަހު މީގެތެރެއިން 05 އަންހެނަކާއި އެއް ފިރިހެނަކު ރާއްޖެ ނާދެވޭ ގޮތަށް ޑީޕޯޓްކޮށްފައިވާކަމަށް އިމިގްރޭޝަނުން ބުނެއެވެ. އަދި ބާކީ ތިބި އަނެއް ދެ އަންހެނުންނާއި ފިރިހެން މީހާ ޑީޕޯޓުކުރުމުގެ މަސައްކަތް ކުރަމުން އަންނަކަމަށްވެސް އިމިގްރޭޝަނުން ބުނެއެވެ.
ރަޢްޖޭގައި ގަވައިދާ ހިލާފަށް އުޅޭ ބިދޭސީން ޑީޕޯޓްކުރުމަށް ކުރަމުން އަންނަ މަސައްކަތުގެ ދަށުން މިހާތަނަށް 4000 ވުރެ ގިނަ ބިދޭސީން ޑީޕޯޓްކޮށްލާފައިވާކަމަށް އިމިގްރޭޝަނުން ވަނީ ބުނެފައެވެ.
