އެ މިނިސްޓްރީން މިހާތަނަށް ބުނަމުން އައީ މި ލިސްޓް މި މަސް ނިމުމުގެ ކުރިން އާއްމުރާނެކަމަށެވެ. އަދި އެކަން މަސްނިމުމުގެ ކުރިން ކުރާނެކަމުގެ ޔަގީންކަން މިނިސްޓަރު ހައިދަރު މިދިޔަ ހަފްތާގައިވެސް ވަނީ ދެއްވާފައެވެ.
މިނިސްޓްރީން މިއަދު ނެރުނު ބަޔާނެއްގައި ބުނީ 4000 ފްލެޓްފެ ލިސްޓް ރީ އިވެލުއޭޓްކުރުމުގެ މަސައްކަތް ކުރަމުން އަންނާތީ އެ މަސައްކަތް ނިންމާލަން އަދު ވަގުތު ބޭނުންވާކަމަށެވެ. އެހެންކަމުން ލިސްޓް އާއްމުކުރެވޭނީ އަންނަމަހު ކަމަށް މިނިސްޓްރީން ނެރުނު ބަޔާނުގައިވެއެވެ.
ހައުސިން މިނިސްޓްރިން ބުނީ 4000 ފްލެޓް ދިނުމަށް މިދިޔަ ސަރުކާރުން ކަނޑައެޅި ލިސްޓް ހައުސިން އެޑްވައިޒަރީ ކޮމެޓީންނާއި އާއި މާލޭ ސިޓީ ކައުންސިލުން އެކުލަވާލި ހައުސިން ކޮންސަލްޓެޓިވް ކޮމެޓީން ބަލާ ލިސްޓެއް އެކުލަވާލިކަމަށެވެ. އެހެންނަމަވެސް އެ ދެ ކޮމެޓީންވެސް ދާއިމީ ލިސްޓް އެކުލަވާލާފައިވާ ގޮތް ރަނގަޅުކަމަށް ނުފެންނަކަމަށް މިނިސްޓްރީން ބުނެއެވެ. އެހެންކަމުން މި ސްކީމްގެ ދަށުން ހުށައަޅާފައިވާ ހުރިހާ ފޯމެއް ރީ އިވެލުއޭޓްކުރުމުގެ މަސައްކަތް މިނިސްޓްރީން ފަށާފައިވާކަމަށް ހައުސިން މިނިސްޓްރީން ނެރުނު ބަޔާނުގައިވެއެވެ.
