4000 ފެލްޓްގެ ދާއިމީ ލިސްޓު މިމަސް ނިމުމުގެ ކުރިން އާއްމު ކުރާނެކަމަށް ބުނެފައި އޮތުމަށްފަހު ލިސްޓް އާއްމުކުރުން އަންނަ މަހަށް ފަސްކުރިކަމަށް ހައިސިން މިނިސްޓްރީން މިއަދު ވަނީ އިއުލާންކޮށްފައެވެ.
މިދިޔަ ސަރުކާރުން އާއްމުކުރި ލިސްޓް ރިވިއުކުރުމަށް ރައީސް ޑރ. މުއިއްޒުގެ ލަފާފުޅުގެ މަތިން " ހައުސިން އެޑްވައިޒަރީ ކޮމެޓީ" ގެ ނަމުގައި ކޮމެޓީއެއް އުފެއްދިއެވެ. އަދި މިކަމުގައި މާލޭ ސިޓީ ކައުންސިލްގެ ރޯލެއް ބޭއްވުމަށް އެ ކައުންސިލުން ވަނީ' ހައުސިން ކޮންސަލްޓެޓިވް ކޮމެޓީ" ގެ ނަމުގައި ކޮމެޓީއެއް އުފައްދާފައެވެ.
ހައިސިން މިނިސްޓްރީން ބުނީ މި ދެ ކޮމެޓީ ބައިވެރިވެގެން އެކުލަވާލި ފްލެޓް ލެިބޭ މީހުންގެ ލިސްޓް ރަނގަޅުކަމަށް ނުފެންނަކަމަށެވެ. އެހެންކަމުން މިނިސްޓްރީން އަލުން ހުރިހާ ފޯމެއް ރީ އިވެލުއޭޓްކުރުމުގެ މަސައްކަތް ފަށާފައިވާކަމަށް މިނިސްޓްރީން ބުނެއެވެ.
ހައުސިން މިނިސްޓްރީން ބުނީ މި މަސައްކަތް ފުރިހަމައަށް ނިންމާލުމަށް އިތުރު ވަގުތު ބޭނުންވާކަމަށެވެ. އެހެންކަމުން ފްލެޓް ތައް ލިބުނު މީހުންގެ ދާއިމީ ލިސްޓް ނެރެވޭނީ އަންނަ މަހުގެ ދެވަނަ ހަފްތާގައިކަމަށް ހައުސިން މިނިސްޓްރީން މިއަދު ވަނީ ބުނެފައެވެ.
