މިވަގުތު ރައީސް އޮފީހުގައި ކުރިއަށްދާ ޕްރެސްކޮންފަރެންސްގައި މިނިސްޓަރު ވިދާޅުވީ، ބުރިޖުގެ 45.82 ޕަސަންޓު މިހާރު ނިމިފައިވާކަމަށެވެ. ނަމަވެސް އެންމެ އެކަށީގެންވާ ސްޕީޑުގައި ކޮންޓްރެކްޓަރުން މަސައްކަތް ކުރިއަށް ނުގެންދެވޭކަމަށެވެ.
"ގަކަނޑު ގަދަކަމުން ބްރިޖު އެޅުމުގެ މަސައްކަތް ލަސްވާކަމަށް ކޮންޓްރެކްޓަރުން ބުނި،" ކަމަށް ވެސް މިނިސްޓަރު މިއަދު ހާމަކުރެއްވިއެވެ.
ކޮންސްޓްރަކްޝަން މިނިސްޓްރީން ކުރިން ބުނެފައިވަނީ 2026ގެ ސެޕްޓެމްބަރުގެ ނިޔަލަށް ބްރިޖްގެ މަސައްކަތް ނިންމާލެވޭނެ ކަމަށެވެ.
ތިލަމާލެ ބްރިޖުގެ މަޝްރޫއަކީ އިންޑިއާގެ އެގްޒިމް ބޭންކުގެ ލޯނަކުން ހިންގާ މަޝްރޫއެކެވެ. އެ މަސައްކަތް ކުރިއަށް ގެންދަނީ އިންޑިއާގެ އެފްކޮންސް ކުންފުނިންނެވެ.
ކުރީ ސަރުކާރުގައި އެ މަސައްކަތް ކުރިއަށް ދިޔައީ ތާވަލަށް ވުރެ ލަސްކޮށެވެ.
މި މަޝްރޫއުގެ އަގަކީ 500 މިލިއަން ޑޮލަރު (6.2 ބިލިއަން ރުފިޔާ) އެވެ. އޭގެ ތެރެއިން 100 މިލިއަން ޑޮލަރު (1.55 ބިލިއަން ރުފިޔާ) އަކީ އިންޑިއާގެ ހިލޭ އެހީއެވެ.
ބްރިޖުގެ މަސައްކަތުގައި ތުރުކީ، ޖަރުމަން އަދި އޮސްޓްރޭލިޔާގެ މާހިރުން ވެސް ބައިވެރިވެއެވެ. މި މަޝްރޫއުއަށް ލޯނު ދިނީ އިންޑިއާގެ އެގްޒިމް ބޭންކުންނެވެ.
