ރިއާލް މެޑްރިޑްގެ ރައީސް ފްލޮރެންޓީނޯ ޕެރޭޒްއާ ހަވާލާދީ، ބައެއް ރިޕޯޓްތައް ބުނާ ގޮތުގައި މި ސީޒަން ނިމުމުން، އަންޗެލޮޓީ ވަކިކޮށް ޒަބީ އަލޮންސޯ އެ މަގާމަށް ގެނައުމުނަށް ރައީސް ވިސްނަން ފެށީ، އިހައްރޭ ބާސެލޯނާ އަތުން ބަލިވި މެޗަށް ފަހުއެވެ.
އެލްކްލެސިކޯ މެޗުގައި އަމިއްލަ ދަނޑުގައި ހަތަރު ލަނޑު ސުން ލަނޑުން ރިއާލް ބަލިވުން އެ ކްލަބަށްވަނީ ގަބޫލު ކުރަން އުނދަގޫ ވެފައެވެ.
ރިޕޯޓްތައް ބުނާ ގޮތުން ރިއާލްގެ ރައީސްވަނީ ޒަބީ އޮލޮންސޯ އެ ކްލަބަށް ގެނައުމަށް ކުރަން ޖެހޭ ކަންކަން ކުރިއަށް ގެންދިޔުމުގެ އިރުޝާދު ކްލަބުގެ މެނޭޖްމެންޓަށް ދީފައެވެ. އެހެންނަމަވެސް ރަސްމީ ސިފައެއްގައި މި ވާހަކަ އަދި ނުދައްކައެވެ.
އަންޗެލޮޓީވަނީ ރެއާލަށް 2013 އިން 2015 އަށް ކޯޗުކޮށްދީފައެވެ. އަދި މިހާރު ހުރި ކޮންޓްރެކްޓް ހަމަވާނީ އަދި ދެ އަހަރު ފަހުންނެވެ. އޭނާއަކީ ރިއާލްގެ އެންމެ ކާމިޔާބު އެއް ކޯޗެވެ.
