އެއީ މަކަރާއި ހީލަތުގެ މައްސަލައެއްގައި ތަހުގީގަށް ހާޒިރުކުރަން ބޭނުންވާ މީހެއް ކަމަށް ފުލުހުން ބުނެއެވެ.
ހުޅުމާލެ ފޭސް 1 ޕޮލިސް ސްޓޭޝަނުން ހޯދަމުން އެ ދަނީ އއ. މާޅޮސް، ބަނަފުސާގެ، ތައުލީމާ އެވެ. އޭނާ އުޅޭ ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދު ނުކުރެވިގެން ކަމަށް ފުލުހުން ބުނެފި އެވެ.
ފުލުހުން ބުނީ އޭނާ މީހެއްގެ އަތުން މަކަރާއި ހީލަތުން ފައިސާ ނަގާފައިވާ ކަމަށް ތުހުމަތު ކުރެވޭ މައްސަލައެއްގެ ތަހުގީގަށް ހާޒިރުކުރަން ބޭނުންވާ ކަމަށެވެ. އަދި މި މަހުގެ 6 ވަނަ ދުވަހުގެ ހެނދުނު 10:00 އަށް ހުޅުމާލެ ފޭސް 1 ޕޮލިސް ސްޓޭޝަނަށް ހާޒިރުވުމަށް އަންގާފައިވާ ކަމަށް ވެސް ފުލުހުން ބުނެފި އެވެ.
ނަމަވެސް މި މައްސަލައިގެ އިތުރު ތަފުސީލެއް ފުލުހުން ހާމަކޮށްފައެއް ނުވެ އެވެ. އަދި އޭނާ އާ ގުޅޭ މައުލޫމާތު އެނގޭ ފަރާތްތަކުން ފުލުހުންނާ ހިއްސާކުރުމަށް އެދިފައިވެ އެވެ.
