މިކަމަށްޓަކައި ކަސްޓަމްސްއިން މިހާރު ވަނީ ތިން ދުވަހުގެ ސިމްޕޯޒިއަމެއް ފަށާފަ އެވެ.
އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ވިދާޅުވި ގޮތުގައި މުދާ ކްލިއާ ކުރުމާއި ބޯޑަރު ސަލާމަތްކުރުމުގެ މަސައްކަތް އަވަސްކުރެވޭނީ ހުރިހާ މުއައްސަސާތަކެއް ގުޅިގެން މަސައްކަތް ކުރުމުންނެވެ. އަދި މިކަމަށް ކަސްޓަމްސްއިން ފަށާފައިވާ ސިމްޕޯޒިއަމުން މުހިންމު ދައުރެއް އަދާކުރާނެ ކަމަށް އޭނާ ވިދާޅުވި އެވެ.
ކަސްޓަމްސްގެ ސުޕްރިންޓެންޑެންޓް މިންނާ ރަޝީދު ވިދާޅުވި ގޮތުގައި މި ސިމްޕޯޒިއަމްގައި ވިޔަފާރިވެރިންނާއި ކަސްޓަމްސްއާ ގުޅިގެން މަސައްކަތްކުރާ ހުރިހާ މުއައްސަސާތަކެއް ބައިވެރިވާނެ އެވެ. އަދި 2025 އިން 2029 އަށް އެކުލަވާލާ ސްޓްރެޓެޖިކް ޕްލޭނަށް މި ސިމްޕޯޒިއަމްގައި ކުރެވޭ މަޝްވަރާތަކުން ރަނގަޅު ހިޔާލުތަކެއް ލިބޭނެ ކަމަށް އުއްމީދުކުރާ ކަމަށް އޭނާ ބުންޏެވެ.
މި ސިމްޕޯޒިއަމްގައި އެމްއެންޑީއެފްއާއި ދިވެހި ފުލުހުންގެ އިތުރުން އެހެނިހެން މުއައްސަސާތައްވެސް ބައިވެރިވެ އެވެ. މި ސިމްޕޯޒިއަމްގެ މައިގަނޑު މަގުސަދަކީ މުދާ ކްލިއާ ކުރުމުގެ މަސައްކަތް އަވަސްކުރުމަށް ކުރެވިދާނެ ކަންކަން ދެނެގަތުމެވެ.
