މި ވާހަކަތައް ފުރަތަމަ ފަހަރަށް މީޑިއާއަށް ތިލަކުރީ އަޖޭ އާ އޭނާގެ ކާމިޔާބު ފިލްމު "ސިންގަމް' އަދި "ގޯލްމާލް" ގެ ކާމިޔާބު ޑައިރެކްޓަރު ރޯހިތް ޝެޓީއެވެ.
މަޝްހޫރު ރިއަލިޓީ ޝޯ "ބިގްބޮސް 18"ގައި މެހެމާނެއްގެ ގޮތުގައި ބައިވެރިވި އަޖޭއާއި ރޯހިތު ޝެޓީ ވަނީ މި ހާދިސާ ހިނގި ގޮތް ކިޔާދީފައެވެ.
ރޯހިތު ބުނީ މި ހާފިސާ ހިނގީ ގިނަ ބަޔަކު މިހާރު އިންތިޒާރު ކުރަމުން އަންނަ "ސިންގަމް އަގެއިން"ގެ ޝޫޓިންގެ ތެރެއިންކަމަށެވެ. އަދި މިކަން ދިމާވީ އެކްޝަން މަންޒަރެއް ނަގަން އުޅުމުގެ ތެރޭގައި އަޖޭގެ ޓައިމިން ދިމާ ނުވެގެން ކަމަށް ރޯހިތު ބުނިއެވެ.
އެކަމުގެ ސަބަބުން އަޖޭގެ ލޮލަށް އަނިޔާވެ ގާތްގަނޑަކަށް ތިން މަސް ދުވަސް ވަންދެން އޭނާގެ ލޮލުގެ ފުރިހަމަ ފެނުން ގެއްލުނު ކަމަށް ރޯހިތު ބުނިއެވެ. އަދި އެކަން ރަނގަޅުކުރަން އަޖޭ ލޮލުގެ އޮޕަރޭޝަނެއް ކުރިކަމަށްވެސް ރޯހިތު ބުނިއެވެ.
ރޯހިތާ އަޖޭގެ މި ވާހަކަތަކާއި ގުޅިގެން ބިގް ބޮސްގެ ހޯސްޓް ސަލްމާން ހާންވެސް ބުނީ މިފަދަ ހާދިސާތައް އާއްމުކޮށް ޝޫޓިންތަކުގައި ހިނގާކަމަށެވެ. އަދި މި ފަދަ ހާދިސާތަކާއި އެކުވެސް އެކްޓަރުން ކުރާ މަސައްކަތްތަކަށް ސަލްމާން ވަނީ ތައުރީފުކޮށްފައެވެ.
އަޖޭގެ އިތުރުން އަކްޝޭ ކުމާރާއި އަރުޖުން ކަޕޫރާއި ޓައިގާ ޝޮރަފާއި ރަންވީރު ކަޕޫރްގެ އިތުރުން އޭނާގެ އަންހެނުން ދިޕިކާ ޕަޑުކޯން ފެނިގެންދާ 'ސިމްގަމް އަގެއިން' ސިނަމާތަކަށް އަންނާނީ އަންނަ ހުކުރު ދުވަހުއެވެ.
