ފަތުރުވެރިން މޫދުގައި
2025 ގައި ޓޫރިސްޓުންގެ އަދަދު 10.7 ޕަސަންޓު އިތުރުވާނެ
ގުފްތަގް އަޖީރު
30 އޮކްޓޯބަރ 2024 - 09:30:00
ފިނޭންސް މިނިސްޓްރީން އާންމުކުރި ރިޕޯޓެއްގައި ބުނެފައިވާ ގޮތުން، 2025 ވަނަ އަހަރު ރާއްޖެއަށް ޒިޔާރަތްކުރާ ޓޫރިސްޓުންގެ އަދަދު 10.7 ޕަސަންޓު އިތުރުވާނެ އެވެ.
Advertisement
މިއާއެކު އެ އަހަރު ޖުމުލަ 2.23 މިލިއަން ޓޫރިސްޓުން ރާއްޖެއަށް ޒިޔާރަތްކުރާނެ ކަމަށް ލަފާކުރެވެ އެވެ.
"މެދުރާސްތާގެ ދަރަނީގެ ސްޓްރެޓަޖީ 2025 - 2027" ގެ ނަމުގައި އެ މިނިސްޓްރީން ނެރުނު ރިޕޯޓުގައި ބުނެފައިވާ ގޮތުން، މި އަހަރުގެ ފަހުކޮޅު ވެލާނާ އިންޓަނޭޝަނަލް އެއަރޕޯޓުގެ އާ ޓާމިނަލް ހުޅުވުމާ ގުޅިގެން ޓޫރިސްޓުން އިތުރުވާނެ އެވެ. އަދި މެދުރާސްތާގައި އެވްރެޖްކޮށް އަހަރަކު 8.6 ޕަސަންޓު އިތުރުވާނެ ކަމަށް ވެސް ލަފާކޮށްފައިވެ އެވެ.
ފިނޭންސް މިނިސްޓްރީން ބުނީ ޓޫރިސްޓުން އިތުރުވުމާ ގުޅިގެން 2025 ވަނަ އަހަރު ބެޑްނައިޓްސް 8.3 ޕަސަންޓު އިތުރުވާނެ ކަމަށް ލަފާކުރެވޭ ކަމަށެވެ. ނަމަވެސް ރާއްޖޭގައި ޓޫރިސްޓުން ހޭދަކުރާ ރޭގެ އަދަދު މަދުވަމުންދާތީ، ބެޑްނައިޓްސް އިތުރުވާ މިންވަރު ޓޫރިސްޓުން އިތުރުވާ މިންވަރަށްވުރެ ދަށްވާނެ ކަމަށް ބެލެވެ އެވެ.
މެދުރާސްތާގައި ބެޑްނައިޓްސް އެވްރެޖްކޮށް އަހަރަކު 7.2 ޕަސަންޓު އިތުރުވާނެ ކަމަށް އެ މިނިސްޓްރީން ލަފާކޮށްފައިވެ އެވެ. އަދި މީގެ ތެރެއިން ރިސޯޓުތަކުގެ ބެޑްނައިޓްސް މި އަހަރު 3.9 ޕަސަންޓު އިތުރުވާނެ ކަމަށް ވެސް ލަފާކުރެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
