މި މަހުގެ 27 ގައި ހުޅުވިގެން ދިޔަ މި އައުޓްލެޓް، އިފްތިތާހު ކުރުމުގެ ގޮތުން ކުލަ ގަދަ ހަރަކާތްތަކެއް ބޭއްވިގެން ދިޔަ ކަމަށް ބްރައިޓް ބްރަދާސް އިން ބުނެ އެވެ. އެގޮތުން މި އައުޓްލެޓް ހުޅުވުމަށް މަޝްހޫރު ރޮބޯމޭންގެ ހުށައެޅުންތަކާއެކު ބޭއްވި ކުޑަކުދިންގެ ހަވީރު ވެގެން ދިޔައީ ފޯރިގަދަ ހަރަކާތަކަށްކަމަށް ބްރައިޓް ބްރަދާސް އިން ފާހަގަކުރެ އެވެ.
މި އާ އައުޓްލެޓަކީ ބާސްކިން ރޮބިންސް މޯލްޑިވްސްއިން އިން ރާއްޖޭގައި ފުރަތަމަ ފަހަރަށް ތައާރަފުކުރެވުނު ކާޓް މޮޑެލްގެ އައިސްކްރީމް ވިއްކާ އައުޓްލެޓްކަން ބްރައިޓް ބްރަދާސްއިން ބުނެ އެވެ.
މިއީ ހުޅުމާލޭ، ފޭސް 1 ގެ އަހިގަސްމަގުގައި ހުޅުވުނު އައުޓްލެޓެކެވެ.
ބާސްކިން ރޮބިންސް ކާޓުގައި ތަފާތު ރަހަތަކުގެ އައިސްކްރީމް ހުންނައިރު ކަސްޓަމަރުންނަށް އެބޭފުޅުން އެންމެ ކަމުދާ ބާވަތްތައް ހިތްފަސޭހަ މާހައުލެއްގައި ފޯރުކޮށްދެވޭނެ ކަމުގެ ޔަގީންކަން ބްރައިޓް ބްރަދާސް އިން ދެއެވެ.
ބާސްކިން ރޮބިންސް ހުޅުވުމަށް ، ރޮބޯމޭންގެ ފޯރިގަދަ ހަރަކާތްތައް
މި އައުޓްލެޓް ހުޅުވުމާއެކު، މިއީ ހުޅުމާލޭގައި ދިރިއުޅޭ މީހުންނާއި ހުޅުމާލެއަށް ޒިޔާރަތްކުރާ މީހުންވެސް ވަރަށް ޝައުގުވެރިވާނެ ތަނަކަށް ވާނެކަމަށް ބްރައިޓް ބްރަދާސް އުންމީދު ކުރެއެވެ.
ކޮންމެ ސްކޫޕަކުން ވާހަކައެއް ކިޔައިދޭ ބާސްކިން ރޮބިންސްގެ މީރު ރަހަތަކާއިއެކު، ހަމަ އެހާމެ ފޮނި ހަނދާންތައް އާލާކޮށްލުމަށްޓަކައި އެތަނަށް ޒިޔާރަތްކުރުމަށް ބްރައިޓް ބްރަދާސް އިން ދައުވަތު އަރުވަ އެވެ.
ބްރައިޓް ބްރަދާސް ޕްރައިވެޓް ލިމިޓެޑުން ހިންގާ މި ތަނަކީ މުޖުތަމައުއަށް އުފާވެރިކަމާއި މީރު އައިސްކްރީމް ގެނެސްދޭނެ ތަނެކެވެ.
