ކޮމެޓީގެ މުގައްރިރު، އޭދަފުށި ދާއިރާގެ މެންބަރު އަހުމަދު ސަލީމް ވިދާޅުވީ މިއީ ވަރަށް ބޮޑު ތަހުގީގެއް ކުރަމުންދާ މައްސަލައެއް ކަމަށެވެ. އަދި މިއަދުގެ ބައްދަލުވުމަށް ހޯމް މިނިސްޓަރު އަލީ އިހުސާނާއި ކަސްޓަމްސްގެ އިސް ވެރިން ހާޒިރުވާން ހަމަޖެހިފައިވާތީ، ބައްދަލުވުން ސިއްރުކުރަން ބޭނުންފުޅުވާ ކަމަށް ހޯމް މިނިސްޓަރު ވިދާޅުވި ކަމަށެވެ.
ކޮމެޓީ ސިއްރުކުރުމަށް ހުށަހެޅީ ހަނިމާދޫ ދާއިރާގެ މެންބަރު އަބްދުލްގަފޫރު މޫސާ އެވެ. އެ ހުށަހެޅުމަށް ތާއީދުކުރީ ހުޅުދޫ ދާއިރާގެ މެންބަރު މުހައްމަދު ޝާހިދެވެ.
މި މައްސަލައިގައި ހޯކްސް ކުންފުނިން ބުނެފައިވަނީ އެއީ އެ ކުންފުނީގެ މުވައްޒަފުން ކުންފުނީގެ ވަސީލަތްތައް ބޭނުންކޮށްގެން ހިންގި ގަވާއިދާ ހިލާފު އަމަލެއް ކަމަށެވެ. އަދި އެކަމުގައި ބައިވެރިވި މުވައްޒަފުންނާ މެދު ފިޔަވަޅު އަޅައި، ކަމާ ބެހޭ އިދާރާތަކަށް މައްސަލަ ހުށަހަޅާފައިވާ ކަމަށެވެ.
