މުރައިދޫގޭގައި މަސައްކަތްކުރާ މުވައްޒަފުންގެ ތެރޭގައި ހިމެނެނީ ޗީފް އޮފް ސްޓާފްގެ މަގާމުގައި ހުންނެވި މުންޑޫ އާދަމް ހަލީމާއި، ޑިރެކްޓާ ޖެނެރަލްގެ މަގާމުގައި ހުންނެވި އަލީ އަޝްފާގާއި، ސީނިއާ އިލެކްޓްރިކް އެންޑް މެއިންޓަނަންސް އޮފިސަރު އަލީ ސާޖިދާއި، ޖެނެރަލް ސަރވިސް އޮފިސަރު އިސްމާއިލް ތޯރިގު އެވެ.
މުވައްޒަފުންގެ ތެރެއިން އެންމެ މަތީ މުސާރަ ލިބެނީ ޗީފް އޮފް ސްޓާފަށެވެ. އެއީ މުސާރައާއި އެލަވަންސްތަކާ އެކު މަހަކު 39،380 ރުފިޔާ އެވެ. ދެން އެންމެ މަތީ މުސާރަ ލިބެނީ ޑިރެކްޓަރ ޖެނެރަލަށެވެ. އެއީ މަހަކު 25،612 ރުފިޔާ އެވެ.
މުރައިދޫގެއަކީ 2021 ވަނަ އަހަރުގެ މޭ މަހު ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާއަށް ފަހު، ސަލާމަތީ ގޮތުން ބަލަން ޖެހޭ ކަންކަމާ ގުޅިގެން މަޖިލީހުގެ ރައީސުން ދިރިއުޅުއްވުމަށް ދައުލަތުން ހާއްސަކުރި ގެކޮޅެކެވެ.
