އިންޑިއާއަށް ކަނޑައަޅާ ސަފީރުގެ މަގާމަށް އައްޔަން ކުރެއްވީ ކުރީގެ ޗައިނާ ސަފީރު އައިޝަތު އަޒީމާ އެވެ. އަޒީމާ ވަނީ 1988 އިން ފެށިގެން ފޮރިން މިނިސްޓްރީގައި މަސައްކަތް ކުރައްވަމުން ގެންދަވާ އެވެ. އޭނާ އެންމެ ފަހުން ހުންނެވީ ޗައިނާގެ ސަފީރުކަމުގެ މަގާމުގައި އެވެ. އެ މަގާމުގައި ހުންނެވީ 2019 އިން 2023 އަށެވެ.
ސައުދީ އަރަބިއްޔާއަށް ކަނޑައަޅާ ސަފީރުކަމަށް އައްޔަން ކުރެއްވީ އަހުމަދު ސަރީރެވެ. ސަރީރަކީ 1986 އިން ފެށިގެން ފޮރިން މިނިސްޓްރީގައި މަސައްކަތް ކުރައްވަމުން އަންނަ ބޭފުޅެކެވެ. އޭނާ މީގެ ކުރިން އެމެރިކާ އަދި ބަންގްލަދޭޝްގެ ސަފީރުކަން ކުރައްވައިފައިވެ އެވެ.
ސަރީރު އެންމެ ފަހުން މަސައްކަތް ކުރެއްވީ ސައުދީ އަރަބިއްޔާގެ ޖިއްދާގައި ހުންނަ އޯގަނައިޒޭޝަން ފޯ އިސްލާމިކް ކޯޕަރޭޝަންގެ މަގާމެއްގައި އެވެ. އަދި އަޒީމާ އިންޑިއާގެ ސަފީރުކަމަށް އައްޔަން ކުރެއްވުމުގެ ކުރިން އިންޑިއާ ޑެސްކުގެ ހެޑްގެ މަގާމު ފުރުއްވި އެވެ. އަދި ޗައިނާއާއެކު ރާއްޖެއިން ސޮއިކުރި ފްރީ ޓްރޭޑް އެގްރިމެންޓު އެކުލަވާލުމުގައި އިސް ދައުރެއް އަދާކުރެއްވި އެވެ.
