އެމްޑީޕީން ބޭއްވި ގައުމީ މަޖިލީހުގެ ރިޔާސަތުގައި ޕާޓީގެ ޗެއާޕާސަން ފައްޔާޒު އިސްމާއިލް
ސަރުކާރުގެ އާ ބިލުތަކަކީ ޑިމޮކްރެޓިކް އަސާސްތައް ރޫޅާލުމުގެ މަސައްކަތެއް: ފައްޔާޒު
ގުފްތަގް އަޖީރު
30 އޮކްޓޯބަރ 2024 - 16:46:12
ސަރުކާރުން މިހާރު މަޖިލީހަށް ހުށަހަޅާފައިވާ ބިލުތަކަކީ ރާއްޖޭގައި ޑިމޮކްރެޓިކް އަސާސްތައް ރޫޅާލުމަށް ކުރާ މަސައްކަތެއް ކަމަށް، އެމްޑީޕީގެ ޗެއަރޕާސަން ފައްޔާޒް އިސްމާއިލް ވިދާޅުވެއްޖެއެވެ.
Advertisement
ފައްޔާޒް އެކްސް ގައި ކުރެއްވި ޕޯސްޓެއްގައި ވިދާޅުވީ، މި ބިލުތަކަކީ ރައްޔިތުންގެ ބާރުވެރިކަމާއި ސަރުކާރު ޖަވާބުދާރީ ކުރުމަށް އޮތް އަސާސްތައް ނައްތާލުމަށް ސަރުކާރުން ކުރަމުންދާ މަސައްކަތުގެ ބައެއް ކަމަށެވެ.
ސަރުކާރުން މަޖިލީހަށް ހުށަހަޅާފައިވާ ބިލުތަކުގެ ތެރޭގައި ސިޔާސީ ޕާޓީތައް 100،000 ރުފިޔާއަށް ވުރެ މަތިން ޖޫރިމަނާ ކުރެވޭ ގޮތަށް އޮތް ބިލާއި، އޭސީސީ އާއި އިލެކްޝަންސް ކޮމިޝަނުގެ ރައީސުންނާއި ނައިބު ރައީސުން އައްޔަންކުރުމުގެ ބާރު ރައީސުލްޖުމްހޫރިއްޔާއަށް ދޭ ބިލު ހިމެނެއެވެ.
"ވޭތުވެދިޔަ 20 އަހަރު ތެރޭ ރައްޔިތުންގެ ބާރުވެރިކަން ގާއިމުކުރުމަށް އެމްޑީޕީން ކުރި މަސައްކަތް މި ސަރުކާރުން މި ރޫޅާލަނީ،" ފައްޔާޒް ވިދާޅުވިއެވެ.
ފައްޔާޒް އިތުރަށް ވިދާޅުވީ، މިހާރު ދިމާވެފައިވާ ހާލަތުން އިބުރަތް ހާސިލުކޮށް، ގާނޫނު އަސާސީއަށް ބަދަލު ގެނެސް، އެއްވެސް ސަރުކާރަކަށް ޑިމޮކްރެޓިކް އަސާސްތައް ނުރޫޅޭނެ ގޮތް ހެދުމަށް އެމްޑީޕީން މަސައްކަތް ފަށާނެ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
