ދިވެހި ރާއްޖޭގެ ގައުމީ ޔުނިވާސިޓީ (އެމްއެންޔޫ)ގެ ސްކޫލް އޮފް މެޑިސިންގައި ކިޔެވި ދަރިވަރުންގެ ފުރަތަމަ ބެޗުގެ 21 ދަރިވަރުން މިއަދު ވަނީ ދަސްވެނިވެ ސެޓްފިކެޓް ހާސިލުކޮށްފައެވެ.
ރާއްޖޭގައި ޑޮކްޓަރަކުން ކިޔަވަން ފެށި ފުރަތަަމަ ބުރުގެ ހުރިހާ ދަރިވަރުން ތަމްރީނުތަކުން ފާސްވެ ކިޔެވުން ވަނީ ފުރިހަމަކޮށްފައެވެ.
ރާއްޖޭގައި ތިބެގެން ޑޮކްޓަރުކަން ކިޔެވުމުގެ ފުރުސަތު ފަހިކޮށްދިނުމުގެ ފޮތުން ރާއްޖޭގެ ތާރީހުގައި ވެސް ފެށި ޑޮކްޓަރ އޮފް މެޑިސިންގެ ފުރަތަމަ ކޯސް، ގައުމީ ޔުނިވާސިޓީގެ ހިޔާވަހިކަމުގައި ފެށީ 2019 ވަނަ އަހަރުގެ ތެރޭގައެވެ. މިކޯހުގެ ފުރަތަމަ ބުރުގައި 22 ދަރިވަރަކު ބައިވެރިވި އެވެ.
ޑޮކްޓަރުގެކަން ކިޔަވާ ކޯހަށް މަހަކު 10،000 ރުފިޔާ ދައްކަންޖެހެއެވެ، އެހެންނަމަވެސް މިދިޔަ ސަރުކާރުން ފެށި ހިލޭ ޑިގްރީ ޕްރޮގްރާމްގެ ދަށުން އެއްވެސް ފީއެއް ނުދައްކާ އެމްއެންޔޫގައި އެމްބީބީއެސް ހެދެއެވެ.
ރާއްޖޭގައި މެޑިސިން ކިޔަވައިދެނީ މެލޭޝިއާގެ ޤައުމީ ޔުނިވާސިޓީ، ކެބަންސާން މެލޭޝިއާ (ޔޫކޭއެމް)ގައި ކިޔަވައިދޭ މުގައްރިރެވެ.
