އަންނަ އަހަރަށް ދައުލަތުން ވަނީ 56.6 ބިލިއަން ރުފިޔާގެ ބަޖެޓެއް ހުށައަޅާފައެވެ.
ބަޖެތް ހުށައަޅުއްވަމުން މިނިސްޓަރު ޒަމީރު ވިދާޅުވީ އަންނަ އަހަރުގެ ބަޖެޓްގައި ސިއްހީ ދާއިރާއަށް މުހިއްމު އިސްކަމެއް ދީފައިވާނެކަމަށެވެ.
ޑޮކްޓަރުންނަށް ދެއްކުމަށް އޮން ދިގު ކިއިުގެ މައްސަލަ ހައްލުކުރުމަށް އަންނަ އަހަރުގެ ބަޖެޓްގައިވަނީ ހިމަނާފައެވެ. އެގޮތުން 15 ނެރަލް ޕްރެކްޓިޝަނާސް ކްލިނިލް އެޅުމަށް ބަޖެޓުގައިވަނީ ހިމަނާފައެވެ.
މި ކްލިނިކްތައް އެޅުމުން ސުޕަ ސްޕެޝަލިސްޓުންނާއި ސްޕެޝަލިސްޓުންނަށް ދައްކަން ޖެހޭނީ މި ކްލިނިކްތަކަށް ދެއްކުމަށް ފަހުކަމަށް ސަރުކާރުން ބުނެއެވެ. އަދި މި ބަދަލާއި އެކު ސްޕެޝަލިސްޓް ޑޮކްޓަރުންނަށް ދައްކަން ޒަމާންތަކެއް ވަންދެން އޮތް ދިގު ކިޔު ނިމުމަކަށް އަންނާނެކަަމަށް ސަރުކާރުން ދެކެއެވެ.
މިނިސްޓަރު ޒަމީރު ވިދާޅުވީ އަންނަ އަހަރުގެ ބަޖެޓްގައި ސިއްހީ ދާއިރާއަށް ހާއްސަކޮށްފައިވާ މަޝްރޫއުތަކުގެ ތެރޭގައި ކެންސަރު ހޮސްޕިޓަލަކާއި މެންޓަލް ހޮސްޕިޓަލެއް އެޅުން ހިމެނޭކަމަށެވެ. މީގެއިތުރުން އިތުރުން ތިން ހޮސްޕިޓަލެއް އެޅުމަށްވެސް ބަޖެޓްގައި ވަނީ ހިމަނާފައެވެ.
މީގެއިތުރުން އެކި ރަށްރަށުގައި ހެލްތް ސެންޓަރުތަކާއި ހޮސްޕިޓަލްތަކުން ލިބޭ ހިދުމަތް ފުޅާކުރުމާއި އެތަން ތަން ތަރައްގީކުރަން ބަޖެޓްގައި ހިމަނާފައިވާކަަމަށް މިނިސްޓަރު ވިދާޅުވިއެވެ. އަދި ދިވެހި ޑޮކްޓަރުން ތަމްރީނުކުރުމަކީވެސް ސަރުކާރުގެ ތަސައްވުރެއްކަމަށް މިނިސްޓަރު ވިދާޅުވިއެވެ.
