Advertisement

ލިސްބަންގެ ކްލަބް ސްޕޯޓިން އިން ނޮވެމްބަރު މަހުގެ 11 ވަނަ ދުވަހު އޯލްޑް ޓްރެފޯޑަށް ބަދަލުވާ އުމުރުން 39 އަހަރުގެ ޕޯޗުގަލް މި ކޯޗު ވަނީ 2027 ވަނަ އަހަރުގެ ޖޫން މަހުގެ ނިޔަލަށް އެއްބަސްވުމެއްގައި ސޮއިކޮށްފަ އެވެ.

އަމޯރިމް އަކީ 2013 ވަނަ އަހަރު ސާ އެލެކްސް ފަރްގިސަންގެ 26 އަހަރުގެ ކާމިޔާބު ކޯޗިން ދައުރު ނިމުނު ފަހުން ޔުނައިޓެޑުން ދާއިމީކޮށް ކުޅުނު ހަ ވަނަ ކޯޗު އެވެ. ޔުނައިޓެޑުން ނެރުނު ބަޔާނެއްގައި ބުނެފައި ވަނީ "ރޫބެން އަކީ ޔޫރަޕްގެ ފުޓްބޯޅައިގެ އެންމެ ފޯރިގަދަ އަދި އެންމެ މަތީ ރޭޓިން ލިބިފައިވާ އެއް ޒުވާން ކޯޗު" ކަމަށެވެ.

ހޯމަ ދުވަހު އެރިކް ޓެން ހެގް މަގާމުން ވަކިކުރުމުން ވަގުތީ ގޮތުން ކޯޗުކަމާ ހަވާލުވި ޔުނައިޓެޑުގެ ކުރީގެ ފޯވާޑް ރޫޑް ވެން ނިސްޓެލްރޫއީ ދެން ކުޅޭ ތިން މެޗުގައި ދެމިހުންނާނެ އެވެ.