އެނގިފައިވާ ގޮތުގައި މުސްތަފާ ޕީއެސްއެމުން ވަކިކުރީ 11ވަނަ ނޫސްވެރިކަމުގެ އިނާމު ދިނުމުގެ ހަފްލާ ރޭ ޕީއެސްއެމުން ވަގުތުން ދެއްކިއިރު، އެ ހަފްލާގައި ޕީއެސްއެމްގެ އެޑިޓޯރިއަލާ ހިލާފު ކޮންޓެއްޓެއް ދެއްކިކަމުގެ ތުހުމަތުގަ އެވެ.
މުސްތަފާ ވަޒީފާއިން ވަކިކުރަން ނިންމީ ޕީއެސްއެމްގެ ބޯޑުންނެވެ.
ޕީއެސްއެމް އިން މިރޭ ބުނީ މުސްތަފާއަށް އަލުން ވަޒީފާ ދިނީ އޭނާ ވަކި ކުރަން ނިންމި ނިންމުން ބޯޑަށް އެޕީލް ކުރުމުން އެކަން ބެލުމަށްފަހު ކަމަށެވެ. އަދި އެ ކުންފުނިން ބުނީ މުސްތަފާއަށް އަލުން ވަޒީފާ ދިނީ، އިއްޔެ ވަޒީފާއިން ވަކި ކުރިއިރު، ނޭނގޭ ކަންތައްތައް އެނގުމުން ކަމަށެވެ.
ޕީއެސްއެމްގެ ނިއުސް އޮފަރޭޝަން މެނޭޖަރުގެ މަގާމުގައި ހުންނެވި މުސްތަފާ އެ ކުންފުނީގައި ވަޒީފާ އަދާކުރައްވާތާ 30 އަހަރަށް ވުރެ ގިނަ ދުވަސް ވަނީ ވެފައި އެވެ.
މީޑިއާ ކައުންސިލަށް މުސްތަފާ އިންތިހާބުކުރީ ޓީވީއެމް ތަމްސީލްކުރާ މެންބަރެއްގެ ގޮތުގަ އެވެ. ކައުންސިލްގެ ރައީސްކަމަށް އޭނާ އިންތިހާބުކުރީ މީގެ ދެ އަހަރު ކުރިންނެވެ.
