ތިންވަނަ ސީޒަންގެ ތެރެއިން މަގާމުން ވަކިކުރި ޓެން ހޭގްގެ ބަދަލުގައި އެ މަގާމަށް ޕޯޗުގަލްއަށް ނިސްބަތްވާ ޒުވާން ކޯޗަކު މިހާރުވަނީ ހަމަ ޖައްސާފައެވެ. އާ ކޯޗާއެކު ޔުނައިޓެޑަށް ކާމިޔާބަށް އެދެމުން ޓެން ހޭގްވަނީ އޭނާގެ ކުރު ޓާމުގައި އެހީތެރިވެދިން އެންމެނަށް ޝުކުރު އަދާކޮށްފައެވެ.
މެންޗެސްޓާ ޔުނައިޓެޑުގެ އާ ހެޑް ކޯޗަކަށް ހަމަ ޖައްސާފައިވަނީ ރުބެން އަމޯރިމް އެވެ. އުމުރުން 39 އަހަރުގެ ޕޯޗުގަލް މި ކޯޗު ވަނީ 2027 ވަނަ އަހަރުގެ ޖޫން މަހުގެ ނިޔަލަށް އެއްބަސްވުމެއްގައި ސޮއިކޮށްފަ އެވެ.
އޯލްޑް ޓްރެފޯޑްގެ މާހައުލަކީ އަބަދުވެސް ފޯރިގަދަ މާހައުލަކަށްވީ ތިޔަ ސަޕޯޓަރުންގެ ސަބަބުން. އަހަރެމެންނަށް ލިބުނީ ދެ ތަށި. އެ ކާމިޔާބަކީ އަހަރެން މުޅި އުމުރަށްވެސް ހަނދާން ކުރާނެ ކާމިޔާބެއް. ހަމަގައިމުވެސް އަހަރެންގެ ހުވަފެނަކީ ކެބިނެޓަށް އިތުރު ތަށިތައް ގެނައުމެވެ. ހިތާމައަކީ އެ ހުވަފެން ނިމުމަކަށް އައިސްފައިވާތީއެވެ" ޓެން ހޭގުގެ މެސެޖުގައި ބުނެފައިވެއެވެ.
"އަހަރެންގެ ހަޔާތުގެ މި ބާބަށްޓަކައި ޝުކުރިއްޔާ" ޓެން ހޭގުގެ މެސެޖު ނިންމާލަމުން އޭނާ ބުންޏެވެ.
