ދެކުނު އޭޝިއާގެ ތިން ގައުމެއްގައި ތަފާތު ދައްކާފައިވާ ސްޕެއިނުގެ ކޯޗު އޮސްކާ ބްރުޒޮން، އީސްޓް ބެންގޯލާ ހަވާލުވީ، ދާދި ފަހުންނެވެ. އޭނާވަނީ ޗެލެންޖް ލީގުގެ ގްރޫޕް ސްޓޭޖުގައި އޭނާގެ ކުރީގެ ކްލަބު ބަންގްލަދޭޝްގެ ބަޝަންދުރާ ކިންގްސް ބަލިކޮށްފައެވެ.
އީސްޓް ބެންގޯލް ވަނީ ޗެލެންޖު ލީގުގެ ކުއާޓާ ފައިނަލަށް ދިޔައީ ގްރޫޕުގެ އެއްވަނަ މަގާމް ހޯދައިގެންނެވެ. އީސްޓް ބެންގޯލް ގްރޫޕު ކުޅުނީ، ބޫޓާނުގައެވެ. އެ ގްރޫޕްގެ ފުރަތަމަ މެޗުން އީސްޓް ބެންގޯލް ވަނީ ބޫޓާންގެ ޗެމްޕިއަން، ޕަރޯއާ 2-2 އިން އެއްވަރުވެފަ އެވެ. ދެ ވަނަ މެޗުގައި އޮސްކާގެ ކުރީގެ ޓީމު ބަޝުންދަރާ ކިންގްސް އަތުން އީސްޓް ބެންގޯލް ވަނީ 4-0 އިން މޮޅުވެފަ އެވެ. އަދި ގްރޫޕްގެ ފަހު މެޗުގައި، އީސްޓް ބެންގޯލް އިން ވަނީ ލެބަނަންގެ ނަޖްމޭ އަތުން މޮޅުވެފަ އެވެ.
ރާއްޖޭގެ ނިއު ރޭޑިއަންޓް ސްޕޯޓްސް ކްލަބް ގޮވައިގެން އޭއެފްސީ ކަޕްގައި ވާދަކުރި އޮސްކާ ވަނީ ބަޝުންދަރާއާ އެކު، އޭއެފްސީ ޗެމްޕިއަންސް ލީގުގެ ކޮލިފައިންގައިވެސް ކުޅެފަ އެވެ.
