ނަސްރުގެ ދުވަހުގެ މުނާސަބާގައި ރައީސް ސާލިހް އެކްސްގައި ކުރެއްވި ޕޯސްޓެއްގައި އެމަނިކުފާނު ވަނީ ނަސްރުގެ ދުވަހުގެ ތަހުނިޔާ އެންމެހާ ދިވެހިންނަށް އަރިސް ކުރައްވާފައެވެ.
ނަސްރުގެ ދުވަހުގެ ތަހުނިޔާ އެމްޑީޕީގެ ޗެއާޕާސަން ފައްޔާޒު އިސްމާއިލްވެސް ވަނީ ފޮނުއްވާފައެވެ.
ރާއްޖޭގެ ވެރިކަން ފުރޮޅާލަން ދިވެހިގެ ހާއިނުންގެ މަދު ބަޔަކު އަޑީގައި ތިބެގެން ރާއްޖެއަށް ހަމަލާ ދިނީ 3 ނޮވެމްބަރު 1988 ގައެވެ. ފަތިސްގަޑީގައި މާލެއަށް ވެރިފައިވާ ހިމޭންކަން ނަގައިލީ ހެންވޭރު ހާޖަރާގޭ އަބްދުالله ލުތުފީ ސަގަރު ނާސިރު އިސްވެ ތިބެ ސްރީލަންކާގެ ޓެރަރިސްޓް ޖަމާއަތެއް ކަމަށްވާ ޕީޕަލްސް ލިބަރޭޝަން އޯގަނައިޒޭޝަން އޮފް ޓެމިލް އީލާމް (ޕްލޮޓް) ކުލީ ސިފައިންތަކެއް ގޮވައިގެން އައިސް ދިން ހަމަލާތަކުންނެވެ.
އެމީހުން ވަނީ މައުސޫމް 19 ދިވެއްސެއްގެ ލޭ މި ފަސްގަނޑަށް އޮހުރުވާލައިފައެވެ. އޭގެތެރޭގައި ހިމެނެނީ ހިތްވަރުގަދަ ސިފައިންގެ 8 ބޭކަލުންނާއި، އާންމުގެ 11 މީހުންނެވެ
