ads
ފޮޓޯ: ހޯމް މިނިސްޓްރީ
ނަސްރުގެ ދުވަހު ރައީސްގެ އިސްނެންގެވުމަށް އިހުސާން ޝުކުރު އަދާކުރައްވައިފި
ނަސްރުގެ ދުވަހާ ގުޅިގެން ރައީސް ޑރ.މުހައްމަދު މުއިއްޒުުގެ އިސްނެންގެވުމަށް ހޯމް މިނިސްޓަރު އަލީ އިހުސާން ޝުކުރުއަދާކުރައްވައިފި އެވެ.
Advertisement

މިއަދު މިނިސްޓަރު އިހުސާން އެކްސްގައި ކުރި ޕޯސްޓެއްގައި ވަނީ ނަސްރުގެ ދުވަހާ ގުޅިގެން ރައީސް ޑރ.މުއިއްޒު ނެންގެވި އިސްނެންގެވުމަށް ތައުރީފު ކުރައްވާ ޝުކުރު އަދާކުރައްވާފަ އެވެ.

އިހުސާން ވިދާޅުވީ އަސްކަރީ ހިދުމަތްކުރެއްވި 11 އަހަރު ތެރޭ އާއި އެއާ ޖެހިގެން އައި 8 އަހަރުވެސް ފުލުހުންގެ އެންމެ އިސްވެރިޔާ ރައީސުލްޖުމްހޫރިއްޔާ ގެ މަގާމުގައި ހުންނެވި އެއްވެސް ބޭފުޅެއް ނަސްރުގެ ދުވަހުގެ ހުރިހާ ހަރަކާތްތަކުގައި އިސްވެ ބައިވެރިވި ތަނެއް ނުފެންނަކަމަށެވެ. އެހެންނަމަވެސް މިއަދު ރައީސް މުއިއްޒު މިވަނީ  ނަސްރުގެ ދުވަހުގެ 2 ހަރަކާތުގައި އިސްވެ ބައިވެރިވެޑައިގެންފައިކަން އިހުސާން ފާހަގަކުރެއްވިއެވެ. އަދި ނަސްރުގެ ދުވަހުގައި ޝަހީދުވި ބަތަލުންނަށް ހައްގުވާގޮތަށް ޝަރަފުވެރިކަން ދެއްވީތީ އިހުސާން ވަނީ ރައީސް އަށް ޝުކުރު އަދާކުރައްވާފަ އެވެ.

މިއަހަރުގެ ނަސްރުގެ ދުވަސް މިއަދު ފެށިގެން ދިޔައީ ބޮޑު ޖަމާއަތުގައި ކުރެއްވި ފަތިސް ނަމާދުންނެވެ. އަދި އެއަށްފަހު ރައީސްގެ ދެކަނބަލުން ވަނީ 3 ނޮވެންބަރުގެ ހަނދާނީ ބިނާގައި ދިދަ ޖެހުމާއި ގާޑް މައުންޓް ކުރުމުގެ ރަސްމިއްޔާތު ޝަރަފުވެރިކޮށްދެއްވާފަ އެވެ.

އޭގެއިތުރުން ނަސްރުގެ ދުވަހުގެ ސިފައިންގެ މައުރަޒު 2024، ރައީސް ވަނީ ހުޅުވައިދެއްވާފަ އެވެ. އެމަނިކުފާނު މި މައުރަޒު ހުޅުވައިދެއްވީ އެކަމަށްޓަކައި ހާއްސަކޮށްގެން މިއަދު ހެނދުނު ނޭޝަނަލް އާޓް ގެލެރީގައި ކުރިއަށްދިޔަ ރަސްމިއްޔާތެއްގަ އެވެ.

ނަސްރުގެ ދުވަސް ފާހަގަކުރަނީ ނަވާރަސަތޭކަ އަށްޑިހަ އަށްވަނަ އަހަރުގެ ނޮވެމްބަރު މަހުގެ ތިންވަނަ ދުވަހު ގައި އަވަށްޓެރި ސްރީލަންކާގެ ތަމަޅަ ހަނގުރާމަވެރިންގެ ބަޔަކު ގޮވައިގެން ދިވެހީންގެ ބަޔަކު ރާއްޖޭގެ ވެރިރަށް މާލެއަށް ހަމަލާދިން ދުވަހާ ގުޅުވައިގެންނެވެ. އެ ހާދިސާއަށް މިއަދު 36 އަހަރު ވަނީ ފުރިފަ އެވެ. އެ ދުވަހު، ދިން ނުރައްކާތެރި އުދުވާނީ ހަމަލާގައި ސިފައިންގެ 8 ބޭކަލަކާއި އާންމުންގެ 11 މީހުން ހިމެނޭހެން 19 ދިވެއްސަކު ޝަހީދުވި އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް