ރެކޯޑް އަގަކަށް ބެކަމް މިގަތް ގެއަށް އޭނާ އާއިލާއާއެކު މިހާރު ދިރިއުޅުން ބަދަލުކޮށްފައިވާ ކަމަށް ރިޕޯޓްތައް ބުނެއެވެ. 60 މިލިއަން ޕައުންޑްގެ މި އަގުބޮޑު ގޭގައި މެންޝަންގެ ޕްރައިވެޓް ޖިމްއަކާ ހޯމް ސިނަމާއެއް އަދި އިންފިނިޓީ ޕޫލް ފަދަ ލަގްޒަރީ ހުރިހާ ހިދުމަތްތަކެއް ލިބެއެވެ. ރިޕޯޓްތައް ބުނާ ގޮތުން، ރޫފްޓޮޕް ލައުންޖަކާއި މަސާޖް ރޫމަކާއެކު ސްޕާއަކާއި ވޯޓާފްރަންޓް ޑެކެއްގެ އިތުރުން ނުވަ ކޮޓަރި އަދި އޯޕަން ޕްލޭން ލިވިންގް އޭރިއޭއެއް މި ގޭގައި ހުރެއެވެ.
މިއާމީގެ ކޯރެއްގެ އައްސޭރި ފަށުން ބެކަމް ގަތް މިގޭން، ކޯރަށް ގުޅާލާފައި އޮންނަ ފާލަމެއްވެސް އޮންނަ ކަމަށް ރިޕޯޓްތައް ބުނެއެވެ. މި ފާލަމުގައި، ބެކަމްގެ 16 މިލިއަން ޑޮލަރުގެ ޔޮޓު ބަނދަރުކޮށްފައިވާ ކަމަށް ބައެއް ރިޕޯޓްތައް ބުނެއެވެ.
މިއާމީން، ރެކޯޑް އަގަކަށް ބޮޑު ގެއެއް ބެކަމް ގަތް އިރު، ޑޭވިޑް އާއި އޭނާގެ އަންހެން ވިކްޓޯރިއާ ބެކަމް ވަނީ މީގެ ކުރިން 2020 ވަނަ އަހަރު ޑައުންޓައުން މިއާމީގައި ފުލް ފްލޯރ 10،000 އަކަފޫޓުގެ ޕެންޓަހައުސްއެއް ހެދުމަށް 15 މިލިއަން ޕައުންޑް ހޭދަކޮށްފައެވެ.
