ސައުދީ ކްލަބް އަލް އިއްތިފާގުގެ ހެޑް ކޯޗު ސްޓީވަން ޖެރާޑް އަށް ސަޕޯޓަރުން ދިމާކޮށްފައިވަނީ ވަނީ އަމިއްލަ ދަނޑުގައި އަލްގަދްސިއާ އަތުން 0-2 އިން ބަލިވުމުންނެވެ. މި ބަލިވުމުގެ ނަތީޖާއެއްގެ ގޮތުން ސައުދީ އަރަބިއްޔާގެ ލީގު ތާވަލުގެ 11 ވަނަ އަށް އަލް އިއްތިފާގުވަނީ ވެއްޓިފައެވެ.
އަލް އިއްތިފާގުގެ ސަޕޯޓަރުންގެ ކެތްތެރިކަން ގެއްލި، ޓީމުގެ ކޯޗު އަދި ލިވަޕޫލްގެ ލެޖެންޑް ސްޓީވަން ޖެރާޑް އަށް ފާޑުކިޔުންތައް އިތުރުވެފައިވާއިރު، އޭނާއާ ދިމާކުރާ ވީޑިއޯތައް ސޯޝަލް މީޑިއާގައިވަޏީ އާއްމުކޮށްފައެވެ. ވީޑިއޯ ފޫޓޭޖުން ފެންނަނީ ހޯމް ސަޕޯޓަރުންގެ ޖެރާޑް ދަނޑުން ނުކުމެގެންދާއިރު ދިމާ ކުރާ މަންޒަރެވެ. ފާހަގަކޮށްލެވެނީ ބަލިވި ނަމަވެސް ކުޅުންތެރިންނަށް އަތްތިލަބަޑި ޖަހާފައިވުމުން ޓީމުގެ ނާކާމިޔާބީތަކުގެ ޒިންމާ ސަޕޯޓަރުން ކޯޗުގެ ބޮލުގައި އަޅުވާކަމެވެ. ސަޕޯޓަރުންގެ މެދުގައި އުފެދުނު ހިތްހަމަނުޖެހުން ފެށިގެން އައީ ކިންގްސް ކަޕް މެޗަށް ފަހު ކަމަށްވާއިރު، އެ މެޗަށް ފަހު ސެންސޭޝަނަލް ގޮތަކަށް އަލް އިއްތިފާގުވަނީ ދަށު ލީގުގެ ޓީމެއް އަތުން ބަލިވެފަ އެވެ. ޖެރާޑްގެ ޓީމަށް ޕްރޮފެޝަނަލް ލީގުގެ ފަހު ހަ މެޗުން މޮޅެއް ނުލިބެ އެވެ.
ޖެރާޑް 2016 ވަނަ އަހަރު ކުޅުން ހުއްޓާލިއިރު އޭނާގެ ފުރަތަމަ މެނޭޖަރު ރޯލަކީ ސްކޮޓްލޭންޑްގެ ކްލަބް ރޭންޖާސް އެވެ. އޭނާ ވަނީ 2018 ވަނަ އަހަރު އެ ޓީމާ ހަވާލުވެ، 2020-21 ވަނަ އަހަރު 10 އަހަރު ތެރޭގައި ފުރަތަމަ ފަހަރަށް ސްކޮޓިޝް ޕްރިމިއާ ލީގުގެ ޗެމްޕިއަންކަން ހޯދައިދީފަ އެވެ. އޭގެ ފަހުން އިންގްލެންޑްގެ ކުރީގެ މިޑްފީލްޑަރު އެސްޓަން ވިލާގެ ކޯޗުކަން 2021 ވަނަ އަހަރުގެ ނޮވެމްބަރު މަހު ކުރި ނަމަވެސް އޭގެ އަހަރެއް ފަހުން ވަނީ ވަކިކޮށްފައެވެ.
ސައުދީ ޕްރޯ ލީގުގައި ކުޅެމުން އަންނަ އަލް-އިއްތިފާގުގެ ކޯޗުކަމަށް ސްޓީވެން ޖެރާޑް ހަމަޖެއްސީ މިދިޔަ އަހަރުގެ ޖުލައި ގައެވެ.
