ނަޝީދު
ނޮވެމްބަރު 3 ގެ ހަމަލާއާ ގުޅޭ ގޮތުން ނަޝީދު އާ ވާހަކަތަކެއް ހާމަކުރައްވައިފި
ގުފްތަގް އަޖީރު
04 ނޮވެންބަރ 2024 - 09:46:34
ކުރީގެ ރައީސް މުހައްމަދު ނަޝީދު 1988 ވަނަ އަހަރުގެ ނޮވެމްބަރު 3 ގައި ރާއްޖެއަށް ދިން އުދުވާނީ ހަމަލާއާ ގުޅޭ ގޮތުން އާ މައުލޫމާތުތަކެއް ހާމަކުރައްވައިފިއެވެ.
Advertisement
މި މައުލޫމާތުތައް ނަޝީދު ހާމަކުރެއްވީ އެމަނިކުފާނު ނުރަސްމީކޮށް ގެންގުޅުއްވާ ނުރަސްމީ އެކްސް އެކައުންޓެއްގައި ކުރެއްވި ޕޯސްޓެއްގައެވެ.
ނަޝީދު ވިދާޅުވި ގޮތުގައި، އަހުމަދު އިސްމާއިލް (ބޮޑު ސިއްކަ) އަށް އެނގިފައިވާ މައުލޫމާތު އޭރުގެ ރައީސް މައުމޫން އަބްދުލްގައްޔޫމަށް ކިޔައިދީފައިވާ ކަމަށް އެމަނިކުފާނަށް އަޑުއިވިފައިވެއެވެ. އަދި ސިއްކަގެ އަތުން ބަޔާން ނެގީ "އިންތިހާއަށް އަނިޔާކޮށްގެން" ކަމަށް ވެސް ނަޝީދު ވިދާޅުވިއެވެ.
ނަޝީދު އިތުރަށް ވިދާޅުވީ ކޮންމެ އަހަރެއްގެ ނަސްރުގެ ދުވަހާ ގުޅުވައި ސިއްކަ އާއި އޭނާގެ އާއިލާ ބަދުނާމުކުރަމުން ގެންދިއުމަކީ ވަރަށް ބޮޑު ބޭއިންސާފެއް ކަމަށެވެ. އަދި ސިއްކަގެ އަބުރަށް އަރައިގަތުން އެއްގޮތަކަށްވެސް ބަލައިނުގަނެވޭނެ ކަމަށް ވެސް ނަޝީދު ވިދާޅުވިއެވެ.
ބޮޑު ސިއްކައަކީ ރައީސް ނަޝީދާ އާއިލީ ގޮތުން ގުޅުން އޮންނަ މީހެކެވެ. އަދި އޭނާއަކީ ކުރީގެ ރައީސް އިބްރާހިމް މުހައްމަދު ސޯލިހުގެ އަނބިކަނބަލުން ފަޒުނާ އަހުމަދުގެ ބައްޕާފުޅު ވެސްމެއެވެ. މިހާރު ސިއްކަ ދިރިއުޅެމުން ދަނީ ސްރީލަންކާގައެވެ.
33%
ކަމުގޮސްފި
33%
އަޑުއެހިތާ މިހުރީ
17%
ސަތޭކައަކުން ސުމެއް
17%
ވަރަށް ސަލާމް
ކޮމެންޓްސް
