ސިލްސިލާކޮށް ކުރިޔަށް ގެންދާގޮތަށް ފަށާ މި ފޯރަމް ޕީންއެސީން ނަން ދީފައިވަނީ "ރައްޔިތުންގެ ސައްލާ ފޯރަމް" ގެ ގޮތުގައެވެ.
ޕީއެންސީން ބުނީ މި ފޯރަމްގެ ފުރަތަމަ ފެނަލް ޑިޝްކަޝަން މިރޭ އެ ޕާޓީގެ ހަރުގޭގައި އޮންނާނެކަމަށެވެ، މިރޭގެ މައުލޫއަކީ ގެދޮރުވެރިކަމުގެ ބަޖެޓު 2025ކަމަށް ޕީއެންސީން ބުނެއެވެ.
މިރޭގެ ފޯރަމްގައި ބައިވެރިންނަކީ ޕީއެންސީގެ ނައިބުރައީސް ބާރަށު ދާއިރާގެ މެމްބަރު އިބްރާހީމް ޝުޖާއުއާ ރައީސް އޮފީހުގެ އަންޑާ ސެކްރެޓަރީ ފޯ ލީގަލް އެފެއާޒް މުހައްމަދު ފިރުޒުލްގެ އިތުރުން މިނިސްޓްރީ އޮފް ފިނޭންސްގެ ނައިބު އަހްމަދު ސާއިދު މުސްތަފާކަމަށް ޕީއެންސީން ބުނެއެވެ. އަދި މިފޯރަމްގައި ބައިވެރިވެ އާއްމުންނަށް ސުވާލުކުރުމުގެ ފުރުސަތު އޮންނާނެކަމަށްވެސް ވެރިކަންކުރާ ޕީއެންސީން ބުނެއެވެ.
ޕީއެންސީން ބާއްވާ ފޯރަމްގެ ޕޯސްޓަރެއ
އަންނަ އަހަރަށް ދައުލަތުން ހުށައަޅާފައިވަނީ 56.6 ބިލިއަން ރުފިޔާގެ ބަޖެޓެކެވެ. އަންނަ އަހަރުގެ ބަޖެޓަކީ ރައްޔިތުން ގެދޮރުވެރިކުރުވާނެ ރަން ޒަމާނެއް ގެނެސްދޭނެ ބަޖެޓެއްކަމަށް ސަރުކާރުން ވަނީ ބުނެފައެވެ.
ފިނޭންސް މިނިސްޓަރު ޒަމީރު ވިދާޅުވީ ލޯން ދޫކުރުމަށް ކަނޑައަޅާފައިވާ ބަޖެޓުން 1 ބިލިއަން ހަރަދުކުރުމަށް ހަމަޖެހިފައިވަނީ ގެދޮވެރިކަމުގެ ލޯން ދޫކުރުމަށްކަމަށެވެ.
