އަމިއްލަ ދަނޑުގައި ޔުނައިޓެޑު ރޭ އެއްވަރުވީ އެއް ލަނޑު އެއް ލަނޑުންނެވެ. ޔުނައިޓެޑުގެ ލަނޑު، ލިބުނު ޕެނަލްޓީއަކުން ޖެހީ ބްރޫނޯ ފެނާންޑޭޒްއެވެ. ޗެލްސީން އެއްވަރު ކުރީ، މޮއިސަސް ކައެސޭޑޯއެވެ.
ރޭގެ ނަތީޖާއާއެކު، ލީގުގައި ކުޅުނު 10 މެޗުން ލިބުނު 12 ޕޮއިންޓާ އެކު ޔުނައިޓެޑް އޮތީ 13 ވަނައިގަ އެވެ. އެންމެ ފަހުން ލީގުގައި ޔުނައިޓެޑުން އެންމެ ދަށްކޮށް ފެށީ 1986/1987 ވަނަ ސީޒަނުގަ އެވެ. އެއީ، ޕްރިމިއާ ލީގަށް ރީބްރޭންޑް ކުރުމުގެ ކުރިންނެވެ. މިއީ މެންޗެސްޓާ ޔުނައިޓެޑުން އެ ކްލަބްގެ ތާރީހުގައި ވެސް ޕްރިމިއާ ލީގުގައި އެންމެ ދަށްކޮށް ސީޒަނެއް ކުރީކޮޅުގެ ނަތީޖާއެވެ.
ޔުނައިޓެޑް ދަނޑުގައި އެންމެ ފަހުން ލީގުގައި ކުޅުނު 12 މެޗުން ވެސް ޗެލްސީ އަށް މޮޅެއް ލިބިފައިނުވެ އެވެ. މި މެޗުން ލިބުނު ޕޮއިންޓާ އެކު ޗެލްސީ އޮތީ 10 މެޗުން 18 ޕޮއިންޓާ އެކު ހަތަރު ވަނައިގަ އެވެ.
