މި މުދާތައް ފޮނުވާފައި ވަނީ ކޮންޑޯ އެއަރލައިން މެދުވެރިކޮށް ކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފި އެވެ.
މި އަހަރުގެ މެއި މަހު ފެށި މި ހިދުމަތް މެދުވެރިކޮށް މިހާތަނަށް ގިނައިން ފޮނުވަމުން އައީ ބަންގްލަދޭޝްގައި އުފައްދާ އަންނައުނު ކަމަށާއި މިއީ އިންޑިއާގެ މުދާ ފޮނުވި ފުރަތަމަ ފަހަރު އެވެ. މި ޚިދުމަތް ދެމުން އަންނަނީ އެމްއޭސީއެލްއާއި މޯލްޑިވްސް ޕޯޓްސް ލިމިޓެޑް (އެމްޕީއެލް) އަދި ކަސްޓަމްސް ގުޅިގެންނެވެ.
އެމްޕީއެލްގެ ސީއީއޯ މުހައްމަދު ވަޖީހު ވިދާޅުވި ގޮތުގައި މި ޚިދުމަތް އިތުރަށް ފުޅާކުރުމަށް މަސައްކަތް ކުރަމުން އަންނަ އިރު، މަހެއްގެ މައްޗަށް 400 އަށް ވުރެ ގިނަ ކޮންޓެއިނަރުގެ މުދާ ކަނޑު މަގުން ރާއްޖެ ގެނެސް، ވައިގެ މަގުން އެކި ގައުމުތަކަށް ފޮނުވުމުގެ ފުރުސަތު އެބައޮތެވެ.
މި ޚިދުމަތަށް އޮތް ޑިމާންޑު އިތުރުވަމުން އަންނަ ކަމަށާއި އޮކްޓޫބަރު މަހު އެކަނި 96 ކޮންޓެއިނަރުގެ މުދާ ވައިގެ މަގުން ރާއްޖެއިން ބޭރަށް ފޮނުވާފައިވާ ކަމަށް އެމްޕީއެލްއިން ބުންޏެވެ. މިހާރު މި ޚިދުމަތުގައި ރާއްޖެއަށް ދަތުރުކުރާ ހަތް އެއަރލައިނެއް ބައިވެރިވެފައިވެ އެވެ.
