ރައްޔިތުން މަޖިލީހުގައި އަލަށް އުފެއްދި "ގެދޮރުވެރިކަމާ ބެހޭ ކޮމެޓީ" ގެ މުގައްރިރު އިބްރާހިމް ފަލާހް
ޔާމިން ވަނީ ޕީޕީއެމް އާއި ޕީއެންސީގެ ފައިސާގެ 90 ޕަސަންޓު ވަގަށް ނަގާފައި: ފަލާހް
ގުފްތަގް އަޖީރު
04 ނޮވެންބަރ 2024 - 13:11:19
ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވަނީ ޕީޕީއެމް އަދި ޕީއެންސީއަށް ދައުލަތުގެ ބަޖެޓުން ލިބުނު ފައިސާގެ 90 ޕަސަންޓު ވަގަށް ނަގާފައި ކަމަށް އިނގުރައިދޫ ދާއިރާގެ މެންބަރު އިބްރާހިމް ފަލާހު މިއަދު ތުހުމަތުކުރައްވައިފިއެވެ.
Advertisement
ރައްޔަތުންގެ މަޖިލީހުގައި މިއަދު ވާހަކަ ދައްކަވަމުން ފަލާހު ވުދާޅުވީ ދައުލަތަށް އާމްދަނީގެ ގޮތުގައި ޓެކުހުން ރައްޔިތުންނާއި ވިޔަފާރިވެރިންގެ އަތުން ނަގާ ފައިސާ، ޕާޓީ ހިންގުމަށް ދިނުމުން އެ ފައިސާ ވަގަށް ނަގާފައިވަނީ ޔާމީން ކަމަށެވެ.
ފަލާހު އިތުރަށް ވިދާޅުވީ ޔާމީންގެ ޕާޓީ ޕީއެންއެފްގައި މިހާރު 3،000 މެންބަރުން ވެސް ނުތިބޭނެ ކަމަށެވެ. އަދި އިންތިހާބުތަކުގައި ބައިވެރިނުވާ އަދި ރައްޔިތުންގެ ތާއީދެއް ނެތް ޕާޓީއެއްގެ ގޮތުގައި ރަޖިސްޓްރީވެ ދައުލަތުން ފައިސާ ނަގައިގެން ތަންތަނުގައި ކުދިކުދި ޖަލްސާ ބާއްވަނީ ގައުމުގައި ފިތުނަ ފަސާދަ އުފައްދަން ކަމަށް ވެސް އޭނާ ވިދާޅުވިއެވެ.
ފަލާހު ވަނީ ސިޔާސީ ޕާޓީތަކުގެ ގާނޫނަށް އިސްލާހު ގެނައުމަށް ގޮވާލައި، ވަކި މުއްދަތެއްގެ ތެރޭގައި މެންބަރުން އިތުރު ނުކުރެވޭ ޕާޓީތައް އުވާލަން ޖެހޭނެ ކަމަށް ވެސް ބުނެފަ އެވެ.
33%
ކަމުގޮސްފި
67%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
