މާފަންނު ބޮޑުގެ ހުރި ބިމުގައި މިހާރު ހިންގަމުން އަންނަނީ ވަގުތީ މިސްކިތެކެވެ.
އިސްލާމިކް މިނިސްޓްރީން ބުނީ މާފަންނު ބޮޑުގެ ހުރި ބިމުގައި އަލުން އަޅާނީ ދާއިމީ މިސްކިތެއްކަމަށެވެ. އަދި އެ މިސްކިތަކީ 3 ބުރިގެ މިސްކިތެއްކަމަށްވެސް އިސްލާމިކް މިނިސްޓްރީން ބުނެެއެވެ.
މި މިސްކިތް ބިނާކޮށްދެނީ އަމިއްލަ ފަރާތަކުން އަމިއްލަ ހަރަދުގައިކަމަށްވެސް އިސްލާމިކް މިނިސްޓްރީން ބުނެއެވެ. އަދި އަލަށް އަޅާ މިސްކިތުގައި ޤުރުއާން ކްލާސްތަކާއި ލައިބްރަރީވެސް ހުންނާނެކަަމަށް އިސްލާމިކް މިނިސްޓްރީން ބުނެއެވެ.
މާލޭގެ މޭޔަރުކަމުގެ މަގާމުގައި މިހާރުގެ ރައީސް ޑރ. މުހައްމަދު މުއިއްޒު ހުންނެވި ދުވަސްވަރު އެމަނިކުފާނު ވަނީ މާފަންނު ބޮޑުގޭގައި މިހާރު ވަގުތީ މިސްކިތް ހަދާފައިވާ ގޯތީގައި އިސްލާމީ މަރުކަޒެއް އިމާރާތް ކުރުމުގެ ހިޔާލު ހުށައަޅުއްވާފައެވެ. އެމަނިކުފާނު މި ހިޔާލު ހުށައެޅުއްވީ 2021 ވަނަ އަހަރު މާފަންނު ރައްޔިތުންނާއި އެކު ސިޓީ ކައުންސިލުން ބޭއްވި ބައްދަލުވުމުގައެވެ.
އެރޭގެ ބައްދަލުވުމުގައި ޑރ. މުއިއްޒު ވަނީ މާފަންނުން ބޮޑު ގަޑި ނުވަތަ ގަޑިބުރު އަލުން ހަދާ އެތަން ބޭނުންކުރަންވެސް ހިޔާލު ދެއްވާފައެވެ. މި ވެރިކަމުގެ ކުރީކޮޅު ގަޑިބުރުގައި ގަޑި ބަހައްޓާ އަލުން އެތަން ވަނީ ހުޅުވާފައެވެ.
