Advertisement

ޕޯޗުގަލްގެ ސްޕޯޓިންއަށް އަމޯރިމް ކޯޗު ކޮށްދޭ އެންމެ ފަހު ދެ މެޗުގެ ތެރެއިން އެއް މެޗުގައި މާދަމާ ރޭ، ޗެމްޕިއަންސް ލީގުގައި ނުކުންނާނީ ޔުނައިޓެޑުގެ ވާދަވެރި ސިޓީއާ ދެކޮޅަށެވެ. ޗެމްޕިއަންސް ލީގުގައި އަމޯރިމް، ސިޓީއާ ދެކޮޅަށް ސްޕޯޓިން ގޮވައިގެން ނުކުންނައިރު، އޭނާ ބުނީ ސްޕޯޓިން އިން ސިޓީ ބަލިކޮށްފިނަމަ، އޭނާއަކީ އާ ފާގަސަންގެ ގޮތުގައި ޔުނައިޓެޑުގެ ސަޕޯޓަރުން ދެކޭނެ ކަމަށެވެ. ފާގަސަންއަކީ ޔުނައިޓެޑުގެ ތާރީހުގައިވެސް އެންމެ ކާމިޔާބު ކޯޗެވެ.
އުމުރުން 39 އަހަރުގެ އަމޮރިމް އަށް ޔުނައިޓެޑުގެ ކޯޗު ކަމާ ހަވާލުވުމުގެ ކުރިން ކުޅޭ ފަހު ދެ މެޗަށްދާއިރު، އޭނާ ބުނީ ސިޓީ މެޗުން އޭނާ ޖަޖް ކުރާނެކަން އެނގޭ ކަމަށެވެ. އެކަމަކު އޭނާ ބުނީ، ސިޓީއަކީ ދުނިޔޭގެ އެންމެ މޮޅު ޓީމު ކަމަށާއި ޕެޕް ގާޑިއޯލާއަކީ އެންމެ މޮޅު ކޯޗުކަމަށެވެ.