ރައީސުލް ޖުމްހޫރިއްޔާ ޑރ. މުހައްމަދު މުއިއްޒު
މިނިވަންކަމަށް ފަހު އެންމެ ބޮޑު އިސްކަމެއް ދެނީ ބޯ ހިޔާވަހިކަމަށް: ރައީސް
ގުފްތަގް އަޖީރު
05 ނޮވެންބަރ 2024 - 12:02:03
މިނިވަންކަމާ ގުޅޭ ސިޔާސަތުތައް ފިޔަވައި ދެން އެންމެ އިސްކަމެއް ދެއްވާނީ ރައްޔިތުން ގެދޮރުވެރިކުރުމާއި ބޯހިޔާވަހިކަމުގެ ދާއިރާއަށް ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
Advertisement
ރައީސް މިހެން ވިދާޅުވީ މިއަދު ހިޔާވެހި ފައިނޭންސް ސްކީމް އިފްތިތާހު ކުރެއްވުމަށް ބޭއްވި ރަސްމިއްޔާތުގައެވެ. އަދި އަންނަ އަހަރުގެ ބަޖެޓު އެކުލަވާލުމަށް ހުށަހަޅާފައި ވަނީވެސް، ބޯހިޔާވަހިކަމުގެ މައްސަލައަށް ހައްލު ގެންނާނެ ބަޖެޓެއްގެ ގޮތުގައި ކަމަށް ވިދާޅުވިއެވެ.
އަންނަ އަހަރުގެ ބަޖެޓުގައި ހިޔާވެހި ލޯނު ސްކީމަށް 1 ބިލިއަން ރުފިޔާ އަދި ސަރުކާރުން ހިންގާ އިޖުތިމާއީ ބޯހިޔާވަހިކަމުގެ މަޝްރޫއުތަކަށް 1.5 ބިލިއަން ރުފިޔާ ހިމަނާފައިވާ ކަމަށް ރައީސް ވިދާޅުވިއެވެ.
ރައީސް ވިދާޅުވީ، ސަރުކާރުގެ މެނިފެސްޓޯއާ އެއްގޮތަށް، 2028 ވަނަ އަހަރު ނިމޭއިރު، ބޯހިޔާވަހިކަމުގެ މަޝްރޫއުއަކުން ފުރުސަތު ނުލިބޭނެ އެއްވެސް ރައްޔިތަކު ނުހުންނާނެ ކަމަށެވެ. އަދި ހިޔާވެހި ފައިނޭންސް ސްކީމަކީ ކޮންމެ އަހަރަކުވެސް ހުޅުވާލާނެ ދާއިމީ ފުރުސަތެއް ކަމަށް ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
